ودي يا بنات تتفاعلون معاي شو في هالموضوع الي تعبني وتعب قلبي صراحة ..
امس كنا في صحارى انا وريلي انودي اليهال وعقب بغينا انوديهم باسكن روبينز شفنا شباب ايش كثر عليه
ريلي قال انروح ناخذ من البحيرة ومنه انمشي اليهال …
دخل ريلي باسكن روبينز وقبله قالي انزلي انتي وياي وخلي اليهال (تراني اعرف اليهال شو يبغون ) قلت عيوني تحرقني من العدسات ومدمعه وراح المحل بروحه …
وما اجوف لج الا ثلاث بنات اعمارهم 20 و21 وهالحدود كاشخين والله بالاعراس انا جي يمكن اكشخ ولاااااااااا الشيله يايبتنه بطريقة غريبه ويا راسها المرفوع جنه بطيخ معفن والحلق على صوب اعوذ بالله من غضب الله من اشكالهم ولا لابسين بنطلون جينز قصير فوق الركب وبوت عالي مغطي ريلهم كله وما ظهر الا شوي وعبا مفتوحه (وش لزمت العبا )بس تخريب سمعه..والله يا بنات طلعوا يظحكوووون صوت عاااااااااااااالي وجنه مافي في الشارع غيرهم ..والله والله بنات لموا الشباب ..بظحكهم وما في سيارة الا فيها شباب ورقمتهم وجليلات الحيا ياخذون الرقم ..حتى موتر قطر مر وفيه شباب قال جوف جوف المواطنات اهناك كان واقف ورانا بالظبط وجامات السيارة نازله وليش ما يجدم بالموتر شوي ويعطي الارقام للبنات ويتظحكن …(يعني قال مواطنات ..بذمتكم شوي بحقنا كل وحده لبست عبا وشيله مواطنه ..والله انه المنظر لو جفته بتقولون وين الرحمه الي بتنزل علينا )الله يجيرنا من غضب الله
ولا الي يقهر والي فور دمي والله والله بغيت انزل من السيارة وادفنها وما همي الناس والشارع بلي فيه (انها قالت حق ربيعتها عيابني الي بالمحل وما فيه غير ريلي ..وطبعا الحبيبه دشت المحل والله والله كنت بنزل لولا اني جفت ريلي طالع واهي داشه جان تقله سوري وما سوه لها سالفه حتى انه ما مسك الباب تدخل هد الباب وطلع ..ويوم دخل السيارة قلت له تدري يايه صوبك قال ادري (قالي ما جفتي ايش سويت فيها ) وقلت له سالفة الشباب
قالي تعالي جوفي شو كانوا يقولون داخل واهم بتكلمون بالتلفون ..
يعني والله بس سؤال وين اهل هالبنات وكيف بناتهم جيه يطلعون رموش على تسريحة شعر على ميكب وين رايحات الا هو كورنيش ..والساعه كانت 12وربع
يعني هاذي الي تلبس ما عندها احد ينصحها يكلمها ما تخاف تموت على هالحله ..والله انه الاجانب مطلعين ريولهم ولابسين الي لابسينه اشرف من هايله …على الاقل في حالهم
هاذيل البنات افة المجتمع وش يبون مب كفايه الغضب الي حنا بيه ..
والله اني قمت اخاف على ريلي ..لعنبو مب هادين حد بحاله ..والله انه زمن ما تخافي انج تطلعين بروحج ..اتخافين على ريلج لين يطلع بروحه
اسمحولي طولت عليكم
طلعت الي بخاطري
خويتكم
جوري وعناب
وهالكشخه كلها حق المغازل بنات صايعات ضايعات ماتجوفينهم الا وقت الليل
لانه هذا تخصصهم واهلهم تلقين عايله متفككه لازم البنات بيتشردون
ولا ماتشبع تبغي تزيد رصيد الشباب الي عندها ما مالي عينها ومب مشبعنها
تدور وتدور ما يشبعن صار ادمان الله يهديهم
بس الريال الزين ما يبى غير الزين وهالاشكال الوصخه ما تثيره ولا يقرب صوها
بس والله يقهر تدرون ربيعتي اتطلقت بسبت هالشي رغم انه ريلها يحبها موت وماخذنها على علاقة حب ..
بس صدفة بسبت بنت حرام اتطلقت ..وهاي البنت سمعت رقم الريال يوم يعطه حق الكاشير كان شاري شي ويبغي جارتني ..حتى انه البنيه لحقته للبيت ودلت بيته ودوامه وتمت اتدرور حولينه واتدور رغم انه بنت عزززززز وهب محاتيه شي بس عانس عمرها 35 وتبغي تستانس على حسا ب غيرها (الله المستعان)
المهم شفتلج وحدة داخلة ويا امها
و تخيلي شولابسة العباة مسكرة وضيجة بالقوووووووو ومبينة كل شي الصدر ناقز شكبرة واللي تحت ناقزة(فهمتي
علي).. وياليت لو جسمها حلو بتلوع جبدج استغفر الله .. لاوبعد لابستلج نقاب بوغشوة ومسوية بطيخة شكبرها ع قولتج ..ودخلت امها الحمام عساس تتوضأ وهي طلعت وماصلت مادري وين انجلعت..
فديتج هذيلا في كل مكان ..الله يعينهم على عمارهم..
ماادري ليش يسون جذي الوحده ماتخاف ربهااا ورانى حساب وعقااب
ياويلهن من ربي
وايد بيوت اختربت واتشتت عوايل بسببهن
حسبي الله عليهن