امس العشاا سويت كفته او كباب مع طماط مشويه وعداله صحن حمص
مع تزيين الكفته او الكباب وبطاطه مقليه وان شاءلله تجربونها وتعجبكم
نبلش اول بالمقادير
كيلو لحم مفروم و مع شدة كزبره وبقدونس وكويكر وبصله كبيره
وفلفل اسود وملح وملعقة من كزبره ناعمه فقط
نبشر البصل ونقطع الكزبره والبقدونس كما ترونه بالصوره
نخلط اللحم والفلفل الاسود والملح والكمون مع نص مقدار من كزبره وبقدونس
ومقدار ملعقتين من الكويكر ونبتدي نخلطهم عدل ونغطيه ونخليه بالثلاجه ربع ساعه فقط
نجيب صينية الفرن وندهنه بشويه زيت
ونبتدي فيه كما يلي ونرصه بالصينية
يا سلام ههههه
نغلفه بالالمنيوم وندخله بالفرن مع اشعال نار تحته فقط ونخليه مدة نص ساعه
ونشيل الالمنيوم منه ونخليه لحد مانشوفه استوا من ثم نطفى النار من تحت
ونولع النار من فوق مدة ربع ساعه بس
يتبع
كاتشب طماطم ونخليه بين الكفته بالفرن
وبطاط ايضا نقشره ونغسله استعداد للقلي مع شويه بهارات كاري وملح وفلفل احمر
نقطع بصله واحده كبيره الي شرائح رفيعه ونتبله بالسماق الاحمر الحامض
وملعقتين من بقية الكزبره والبقدونس المقطع ناعم نخلطهم عدل ونتركه جانبا
يتبع
نبا زيت زيتون وعلبه حمص وطحينه وخل وروب
نحط الحمص الناعم بصحن ونضيف له ملعقه صغيرة خل وملعقتين اكل زيت زيتون
وملعقتين اكل طحينه وملعقه ونص روب
نخلطهم عدل ونحطه بصحن التقديم ونزينه بالفلفل الاحمر .. حركات يعني هههه
وهني البصل المتبل والحمص
اهني خلصنا من الشوي وحطيت الكفته او الكباب بصحن التقديم
حطيت عليه تتبيله البصل وزينته بالطماطم المشوي معاه
وقدمته مع البطاط والحمص وعدة صوص hp وppQ ومايونيز
انتهينا والحمدالله .. عسى بس يعجبكم
انا احب اسوي الحمص بالبيت ويطلع طعمه يجننننن احلى من الجهاز
و بكتب الطريقه لو ماعندك مانع ^_^
كاس حمص ينقع يوم كامل
ويسلق اليوم الثاني لين ماتصير حبه الحمص مرررررررررررررره طريه
تنحط بامطحنه وشوي من مويه السلق وتنطحن زييييييييين لما تصير مررره ناعمه ينحط 2 ليمونه وفنجان طحينه وممكن زيدي لين توصلين للطعم اللي يجعبك ورشه ملح …وكمان ممكن تزيدي شوي شوي منمويه السلق ين توصلي للقوام اللي تحبيه