كم تاخذ الفيزا للنمسا وكيف اتم الاجراءات ؟ 2024.

السلام عليكم

كم تاخذ الفيزا لدولة النمسا وكيف اتم الاجراءات وشو هي الاوراق المطلوبه ؟

ومشكورررين

أول. شيء. لازم تأخذين. موعد من. الموقع. مال السفارة. عقب تسيرين الموعد. وتاخذين معاج. صورتين شخصيات. و جواز السفر خلي الهوية معاج. ورقة من ثقة انهم هم التأمين مالج الصحي. قالولي. في ثقة بتكون مثل. بطاقة. صحية لج في. سفرج. طلب. الفيزا من الموقع.
في موعدج. خذي. معاكم. ورقة إن موعدج في ها اليوم طبعا ها الورقة بتطبعينها بعد ما تحددين. الموعد. على الموقع. الفيزا يبالها 15 لين تخلص أو شهر. في. حالة. نقص الأوراق.

تسلمييين حبيبتي لازم يكون عندي تامين صحي !!!

حبيبتي إحنا خذينا فيزا من سفارة النمسا وندمنا لانه بس عطونا 8 ايام بس لزيارة النمسا
إجراءاتنا كانت VIP يعني في نفس اليوم خلصنا كل شي من تعبئة الاستمارة والبصمة
الاوراق المطلوبة: صور عدد 2 بخلفية بيضاء ولازم ويهج يكون واضح وبدون غترة للريال.
وورقة ضمان صحي من ثقة ب 150 درهم انا وريلي وبنتي
وحجوزات الفنادق والطيران
والجواز الاصلي ويا صور
وبطاقة الهوية
وكلفنا 1200 لانه VIP لنا كلنا

نصيحة لو في مجال تسيرون المانيا عقب النمسا خذي الفيزا من المانيا ل 3 سنوات يعطونج

نسيت أقولج سفارة النمسا دوم اجازة عندهم
إحنا فيزتنا مع انها VIP بس خذت اسبوع وترومين تقدمين عن طريق مكتبهم في سفارة بريطانيا في الخالدية بوظبي

يزاج الله خير حبيبتي كيتي ووفيتي
افدتيني ان شاء الله باخذ موعد هاليومين وان شاء الله اتم الاجراءات بسهوله

هلااختي
نحن ما قدرنا ناخذ فيزه
للنمسا عشان انها تتاخر
سوينا فيزاا لالمانيا وقالولنا
عادي تمشي للنمسا,,,,
وسوينا فيزا المانيا وسافرنا
النمسا عادي ما قالولنا شي,,,,