ابغي اسألكم سؤال حيل محيرني
خواتي من بديت افكر بالزواج وانا احلم يكون لي بيت بروحي او قسم بروحي ألبس على كيف واكشخ واطبخ الي ابيه وارتبه
واسوي كل شيء على كيفي
لكن الريال ما يروم يوفر لي بيت او يبني على الأقل ملحق لو صغير
معاشه قليل
يعني الحين بعيش ببيت اهله وبغرفه. كيف بعيش جي للعلم هو يحب ان زوجته تطبخله وارتب وكل شيء احس ما بيكون عندي حريه
للعلم عشان ما اكون ظالمه اهل زوجي طيبين وايد ومايدخلون بأحد
حتى حريم اخوانه مرتاحات يعني كله يرقدن وما يشتغلن
وامورهن طيبه. بس أنا خاطري يكون لي مكان بروحي ما ابا ألبس الشيله دوم وابا اخذ حريتي بلبسي وعطوري وابا حياتي تكون منظمه.
دخيلكم علموني كيف بعيش ببيت اهل زوجي
وكيف اتصرف يعني ما اشتري ملابسقصيره ولا بناطيل لا اتعطر ولا شيء ؟!!!!!!!!
بليز ابا انظم اموري كيف بعيش كيف ارتب حياتي بغرفه بس
واذا يقدر يستاجر لج بيت او ملحق ولو صغير بيكون اريح لج بس اذا الضروف ما تسمح تحملي شوي عسى الله يفتحها عليكم
عالاقل اطلبي يكون لج غرفتين مفتوحات ع بعض
لان ما اتخيلج لابسه بدله وكاشخه و يالسه تجوفين التي في عالشبريه!
بتضيجين اما لو غرفتين ممكن تجهزين لج بزاويه نفس بار صغير وتسوين اشيا بسيطه لكم
وبتحسين بتحرر اكثر
الله يرزق ريلج عشان تطلعين فبيت روحج
بس فيه حركه كنت احسس ريلي فيها انه كل يوم في غرفه يديده
اغير ورد الغرفه مع لحاف السرير مع الكوشينات يعني كل مره لوون
اما الطبخ عادي كنت اتفنن وما احط في بالي شي عسب ما اتضايق
البس واكشخ وحزت الطبخ البس جلابية وشيله واطلع صح انها عباله بس لازم اتاقلم مع وضع ريلي والمكان وبصراحه ماكنت اختلط باهل ريلي وااايد وجي
وربي ايسر لكم ياااااااااااااااااااااااااارب وتطلعين في بيت روحج
ترى عاادي
لبسي وكشخي وتعطري بس بحدود
في غرفتج سوي اللي تبينه
وبرع الغرفه بعد كوني كاشخه
في جلابيات راقيه تنلبس وشيل عاااااااااادي
انا حرمة اخوي فديتها من 12 سنه ساكنه ببيت اهلي
وعايشه حياتها
مرتبه وكاشخه يعني حتى عند اهلي يوم تطلع مرتبه
وتطبخ لريلها وتسوي سويتات مع انه عندنا خدم
يعني ياحبيبتي لاتحطين في بالج ان السكن ويا اهل الريل سجن وعذاب
بالعكس
اعتبريهم اهلج
امج وابوج واخواتج بس مع شوية ظوابط
والله انا اتمنى لو ساكنه ويا اهل ريل
بإذن الله