فبيت اهله… وانا اول حرمه من حريم عيالهم ادخل للبيت… يعني ريلي للبجر..؟؟
وريلي يحب امه واايد…
بس انا اريد بيت ارووحي انا مقدر ظرووفه وللمخاصير اللي مخصرنهن فالملحق..
انا من مدينه ثاانيه يعني مااقرب لهم شيء بالمره يعني بينا وينهم تقريلا ساعه الا ربع..
لمهم
عادات اهل ريلي واااايد غير كل شيء فري… يعني حريم ورياييل عاادي ايلسون ويااه بعض.. انا مااحب جي والله.. واكلهم جماعه..
وطالعااتهم وكل شيء ويااه بعض…
وعندهم طبع انا موول مااحبه…. ( مثلا ولد خالت ريلي متزوج… بيي وبخبر ريلي حرمتي ليوم سوتلي.. وحرمتي ليوم ماادري شو بلااهاا.. وحرمتي ليوم سرنا يعني بقوول بالتفصيل للممل شوو سواء بالضبط…)
يعني عايلتهم كلهم جي…. انا مااحب هذا الطبع مووووووووووووووول…. واموور كثيره..
انا ابا اعيش بيت ارووحي.. بنفس للوقت مب هااين عليه ريلي لان بااني للملحق.. وبنفس للوقت افكر بعمري… كيف بتكوون حيااتي..
حااول اقنعه بس ماشيء فاايده والله يابناات ابا اعيش فبيت ارووحي احسن عن قاال وقيييييل..
بس للمشكله ريلي مب مقتنع ان نعيش اروااحنا فبيت
وللمشكله للعضمى… اي شيء عيبهم لازم بيسألونج من وين..؟ ولا اشتريلنا مثله ..
ولا مثلا حلوو لبسج من وين ماخذتنه… والله يابنااات انا مااحب جي… انا بعدني ماسرت عندهم ويسالووني من ماخذه دخوونج ومن وين ماادري اشوووه..
والله يابنااااااااااااااات انا مااحب حد يقلدني وحد يباه يسوي شرااتي ولا حد يسألني….؟؟
ماادري ليش احب اكوون مميزه من بين للكل واحب حد يمدحني بين للكل… واحب الفت نظر للكل .. سبحان الله من صغري وانا جي..
والحينه من ملجت احس تحقيق فتحقيق.. والله ماااااحب.. واستحي اقوول حق ريلي مثلا مااريد خواتك او امك يسألوني انا من وين ماخذه هذا الشيء….
ع فكره امه صغيره تقريبا كبر اختي للكبيره… وانا واايد استحي منهاااااااااااااااااااااااا
خبرووني شوو اسوي .. كيف ارد افااتح ريلي بالموضوووع…
عقب بيقولون عررس ولدنا ومرته طلعته من البيت اغلبهم جي يقولون
وعاادي مب مجبوره تقعدين ويا رياييل قولي انا ااستحي وجييي
وهو توه مخلص من تكاليف العرس وجيي ما بيقدررر وحليله
وبعدين حلات العيشه ويا أهل الريل ~ يعني اتخيلي نفسج ابيت اروحج
شقايل بتعيشين ؟
لو ربيتي منو بيهتم فيج ؟
يعني وجودهم وياج لهم لزمه
انتي الحمدلله ماعندج مشاكل ويا اهله واحمدي ربج واشكريه
في حريم مبتليات من العمه والاخت وحريم الاخوان وعيشين كلهم في بيت واحد !
وضايجه ولا يعه جبدها بس صابره مقدره ظروف ريلها او انها ماتبا تظهر ريلها من عند اهله
ويقولون هيه السبب وهيه وهيه والخ ~> تردين عاد الخ لشوو
المهم تمي في بملحقكم وخلج في حالج ولا تقولين بظهر ولا من هالكلام ريلج بيعافج
تمي وعيشي حياتج مثل ماتبين
وقوليله انا اصراحه في عادات مب عايبتني في اهلك واسمح لي ما اقدر اسويها لاني احسها غلط
مااقدر ايلس وياهم جيه كلنا ويا بعض ولا آكل وياهم صعبه
بس الطلعات اوك شي طيب تطلعون رباعه
بيي يوم وبتظهرين من بيتهم وبتروحين لج بيت ثاني
ويا عيالج وريلج
حطي نفسج مكان امه وولدج عرسس وحرمته تبا تطلعه من البيت
شو بتسوين ؟؟؟
انسي السالفه نصيحه مني لج !
واذا تبين اسلمين ع عمج وعمتج انشدي ريلج
وقولي حق ريلج انا احب اكوون لك روووحك وماحب اختلط ,, لاني ابا اشوف الريال الوحيد بعيني انت
وقولي نحن عادتنا غييييييير
///
انا يالسه ويا قومم عمي اقعد فالقسم عمتي اتيييني واحيانا اسير بس اوايق من الدريشه لو حد عندها ماسسسسير
وربي يوفقج
بس انا مشكلتي مب اجتمااعيه والله وهم الله يهديهم الا شوفوه حرمت فلان ولا حرمت فلان سوت جي ولا حرمت فلان ماتعرفت تسوي شيء…
يابنات انا مااريد حد ياخذ عني فكره مب حلوه من للبدايه والله احس للحرمه من للبدايه تعيش فبيت اروحهاا واااااااااااااااااااااااايد احسن لهااااااااااااا هذا انا راايي
بس الله يهديه ريلي مب راااضي..
حد من اهله قولى له مايجوز
غاليتي 
لازم تعرفيــن ان الإهتمــام بأهل ريلــج دليل علــى حسن خلقــج وتربتــج
وشي بيكبرج في عين ريلــج وبيحببــج في قلبــه أكثر
لا تستهينين بهذا الشي ,,
الريـــال من عرف الحياة وهو ساكـن عند أهله فمب سهــل انتي تيين بين يوم وليلـــة وتبغينــه يغير النظــام علشانـــج ^_^ !
أكيد هو ريلــج ويحبـــج بس بعــدج لازم تجتهدين أكثر وتكبريــن في عينـه أكثر عســب تقدرين تقنعينــه بهذا التغيـــير الكبيـــــــر في نظره ^_*
وسبيلــج هم أهل ريلــج
اهتمي بهم واعتني بهم بما يرضي الله
وإن استوى اختلاط استأذني بكل ذوق وأدب ^^
واكيد في الصبح أغلب الرياييل يداومون فبتاخذين شوية راحتـج عسب تتقربين من أهله ( الحريم )
وهذا الشي أختي انتي مأجورة عليه ,, حتى لو كانو يغلطــون في اشياء ,, ^_^
سبحـــان الله يمكــن من حسن خلقـج يقتدون بج وتكسبيــن أجرهـــم ^_*
حطيهم في عيونــج ريلج بيحطــج في عينـــه ^^
واتريي على سالفــة البيت اليديد لين تحسين ان ريلــج بيتقبلـــها
ورب العالميـــن لا يضيـــع أجر الصابريــــــن