شحالكم ؟
ببتدي بالمشكله اللي عندي …
عمي الله يرحمه متزوج من جنسيه اسيويه .وصبروو فوق 7 سنوات لين الله رزقهم بولد واااحد ..والحين استوى هالصبي 15 سنه ماشاءالله ..
في الصيف اللي راح كانو مسافرين (عمي وزوجته وولدهم) لاهل زوجته وهناااك توفى عمي الغاااالي ياعل مثواه الجنه يارب …
وبتدت المعاناااة … مرت عمي وولدها المراهق
واناا (عمري 24 سنه) بنت عمة يعني …
كنت مع عمي واااااااايد اوكي ووالله يرحمه كان واااااااايد يحبني .. وانا من عقب ما توفى على طوووول اتصل فيهم واتطمن عليهم والحمدلله الله يشهد علي اني ماقصرت بحقهم من طلبااات و شغلات بنوك وووايد اشيه الحمدلله
نرجع لولد عمي
دراسيااااا صار مهمل وعليه 4 مواد ومايدرس بتاااااتااا
اصدقاءه مووووول مب زينين
الحين امه اتصلت فيني تصيح وتقول انها لاحظت انه من عقب الغدا يروح السطح .. لاحظت بعدين انه يشرررررررب جقاير
كلمته وهددته انه بتقول لي .. قال لها ان قلتي لهاا مابقعد في البيت .. وهي مالها الا هووو
قلت لها لازم تقللين من المصرووف تقوول يعايرني ان على حياة المرحووم ماكان ينقصه شي ولا يسأله ليش وليش .. وهو قاعد يشرب الجقاير عشان ينسى ويتذكر ابووه ..قلت له هوو قاعد يسوي لج جذي عشان يعور قلبج وتخلينه بس لا تتنازلين وزفيه
هي تبي تكلم احد من عيال عمامي يكلموونه … بس الشباااب اغلبيتهم للاسف يشربوون الجقاير واهو قالها لامه ..
ومابيتقبل النصيحه من شخص يسوي نفس الغلط .. ولا حد بيتقبل اصلا
ساعدوووووني كيف اتصرف؟؟؟؟؟
احس اني متشتته ومب مصدقه ان هالياهل يسوي جي !!!!!!!
(صدق عمره 15 سنه بس والله يااااهل وصوته بيبي ) … يااااااارب سترك
انتظركم
حتي لو قال لامه بظهر لو خبرتيها بعد مابيظهر ..
لازم ترمسينه بالعقل ..
لا تضغطين عليه لانه جي بيعاند وبيسوي ها الشي ..
هاتيه بالملاين .. تراه بعده ياهل وقريب فاقد ابوه ..
وماعندهم غيره ..
هذا رايي انا وانتي اتصرفي باللي يرضيج ..
اهي امه نفسها خايفه اني اقوول
اقول لها بدخل بيتكم وبقول فيه ريحه وبعدين بكلمه .. تقول اخاف يعرف اني كلمتج
انا من رايي انتي تصرفين بااي حيله وطريقه عسب تنصحي وتمنعي عن الغلط
حاولي فديتج هذا لسه ياهل وفي عمر خطر وانتي بمقاام اخته الكبيره وبعدين امه لازم شوي تضبه حتى لو هو زعل
والله يعينكم بس هالعمر واايد حرج وان مالحقتو عليه الحينه بكرا بعيد الشرررررررررر بيضيع هالمسكين اكثر واكثر
الله يهدي يارب
رمسيييه دوووم اكيييد بسمع لج وبيستحي منج
وصدقيني مثل ماقلتي مستحيل يتقبل النصيحة من شخص يسوي نفس الغلط
والسمووحة منج