هاي القصيده كامله عقب التعديل اتمنا القى ردودكن لانها تهمني
لا جيـــت أبا ادرس كم درس (ن) ودرس
لقيت نفسي ضايع (ن) ما بين لـدروس
ما بين تاريـخ (ن) واقتصاد وعلم نفس
تخلي راسي بدال شعري ينبت ضروس؟!!
واغدي شاحبـن أفطـس من بني عــفس!
من قوم عدنـان(ن) ولينـــا والعم محروس!
لا لي بــارض(ن) إلشي ولا لي للدح نفس
ولا حتى لمجــابل خــرابيط وفلــوس !
كل مـا قلت الإجابه وعدتها بالــهمـس
احــس راسي يصيح ! ماني بمندوس!!
سرت اشتكي حــالي لابلتي للمــس
ما لقــيت منهــا سوى ويــه (ن) عبوس
طلعت غاشــه الإجـــابه غلط وبــس
من خلا روحه ديايه إلعبت فيه السبوس
قالت المس:
تراكي انسانه غريبه كل شي فيكي عكس
حتى في حل المثل كل شي فيه معكوس؟!
شو هذي وهذي؟ أنــواع كاتشاب وجبس؟
ولا رقايــق بطاطا ولا خلطات مجبوس؟؟
تبسمت وقلت شبــلاه ويهج عبــس؟؟
قالت من يوم شفت الاجابه وويــهي عبوس ؟!
ياخــي (شموه) حلي عـني حــلي وبــس
وخليــني أركــز في حل حرب البــسوس
صاح قلبي ثواني ودمعي جـف انحبس
قلت هذا حالي شرى ضرس(ن) بسوس
يعورك دقــايق ولامـــن شلعته يبــس
وهذا حالـــيه دايم أتـــألم واحـــوس
لا الـــعب ولا ادرس ولا حــتى نـــفـــس
ولا اشتكي حالي حتى لضــعاف النفوووس!
بنت الكتبي ..
وسلامتكن .. ها شو الراي؟؟
تكملة حلوة أعجبتني
الله يعينج على الإمتحانات
شكلج في نهاية العام بتطلعين لنا ديوان من الشعر هههههه
بالتوفيق يا الغالية
وأنتظر يديدج بس بعد الإمتحانات
يديدي انشالله جريب!!
اتمنى لج التوفيق بدراستج وتتطورين بالشعر اكثر واكثر
اختج المحبة
أم نجود 