لبس العيد .!!! 2024.

السلام عليكم
خواتي فديتكن هالعيد ابى البس شي مميز لان العيد اللي طاف لبست مغربي
اهل ريلي مفصلينه لي
بكوني كنت عروس يديده…….
بس هالعيد في عرايس يداد في عايلتنا وادري بيكشخن…….وانا اغار ابى اكشخ بعد..
وانا بكون مربي فما بقدر اروح افصل فمن الحين اريد شي مميز بشو تنصحوني؟؟؟
وشو البس بنوتتي بتكون كملت شهرين باذن الله من ولادتها ليوم العيد؟؟؟؟؟؟؟؟؟؟
انا عجبني لبس مثل الثوب لابستنه الفنانه ( الحان) في مهرجان صلاله لونه ازرق تكون شيلته راكبه معاه..
اللي تعرف وين يسوون هالموديلات تقولي
واللي عندها فكره لعباه او لبس مميز لاول يوم العيد تخبرني……..
وبكون شاكره لكم بس بليييييييييييييز لاتأخرون عليه ترا بربي ولا بلاقي وقت…….:22 (5):

هلا ريامي دبي..من زمان ما دشيتي المنتدى صح….

على العموم إن شاء الله البنات يدلونج

انا اشوف الموضه الحين التايجر باشكاله والزيبرا
خذيلج قطعه من كل وحده وشيفون القطعه خوريها خوار غاوي والشيفون سويه على العباه بشكل حلو ها الجديد الي نازل نازل حركه طوييله من الذراع الى تحت من الصوبين وشريطه من نفس الشيفون تلفينها على شنطة ايدج وتطقمين طقمين زيبرا وتايجر
شوفي انا عطيتج فكرتي لها العيد بس مو مشكله
تستاهلون

خياط نور البحر في بوظبي ايسوي اشياء حلوة
جلابيات مخصرة وتكون قطعتين تول او حرير

هلا والله براعية دبي اريد اقولج نحن الحريم ليش من اي شي نغار صدقيني انا اخس عنج بالغيرة:1 (7):

الغاليه اذا حابه جلابيات كويتيه من عيونى عندى اكثر من كتالوج

وفالج طيب

حبيبيت انا مممكن اوفرلج الدراريع الكويتيه
وممكن اسويلج اياه طقم لج ولبنتج ومعى الشيله