فديتكم يايبه لكم طريقة لذيذة لذيذة لذيذة وسهله وااااااااااااااااااااايد لكساديا الدجاج المكسيكي
المقادير:
خبز تورتيلا…. ( اشتريته جاهز من اسبنس )
كرتون صدور دجاج بالخلطه المكسيكيه من منتجات التعاون الاسلامي.. ( نسيت اصور الكرتون )
جبن شيدر مكسيكي مبشور (جاهز من اسبنس ويكون لونين.. اصفر وابيض)
مكعبات طماطم مقشره
بصل اخضر
الطريقة..
اول شي نسخن التيفال وما نحتاج لزيت
نحمر الخبز من جه وحده
وهذي صورة الخبز
نحط الجبن المبشور
وبعدها بدقيقة نحط صدور الدياي المكسيكيه.. انا قطعت الدياي للشرايح بعد القلي
نضيف الطماطم والبصل الاخضر
وعقبها نحط الجبن مره ثانيه
ونحط خبزه ثانيه فوق الطبق ونرص عليه عدل عسب يلصق الخبز مع الجبن
وعقبها نجلب الخبز ونحمره من الجهه الثانيه.. وكل ما كان محمر ومقرمش اكثر.. كل ما كان ألذ
ونقطع الخبز مثلثات ونصفهم في الصحن ونزين في النص بالطماط والبصل الاخضر
شوفوا كيف شكله من الداخل
دعواتكم لي حبيباتي.. مسويه حادثين في اسبوع 
ان شاءالله بجربها في اقرب فرصة
اوكيه بنتظر تجربتج ورايج 
الله يحفظج أن شاء الله
ماتشوفون شر…..يمكن حد حالف..كفروا او تصدقواا
بس بسالج ممكن جبنة موزاريلا او الشيدر العاديه؟؟
المشاركة الأصلية كتبت بواسطة سوارة 
بس بسالج ممكن جبنة موزاريلا او الشيدر العاديه؟؟
تسلمون عزيزاتي
فديتج ممكن تمكسين الموزاريلا مع الشيدر
بس عن تجربة اللي انا جربته يمي بتحصلينه في اسبنس