مثل ما انتو شايفين عنوان الموضوع انا اعاني من هالشي من ايام اللفلز فجامعه زايد وانا الحين فجنرال ثري وعلى مشارف التخصص ولين احين اعاني من هالشي والله يا بنات كل ما اطلع من الامتحان فاي ماده واكون مستانسه ومرتاحه ارسب ويوم اكون مضايقه وواثقه اني خبصت انجح
كيف جي !!!
استغفر الله انا ما اعترض على الشي اللي كاتبه انا متيقنه اللي ربي كاتبنه بيصير بيصير لو شو ما سويت بس يا بنات هالشي يسبب لي احباط فظييييع خصوصا فالمواد اللي انا احبها وخاطري ايييب فيها A الحمدالله ادرس الامتحان واكون فاهمتنه واشارك فالكلاس والله يا بنات حتى البنات يستغربون لما اقولهم نتايجي يقولون كيف جي انتي شااطره ليش درجاتج جي ؟؟
علاقتي مع ربي الحمدالله ملتزمه فصلواتي كلها بس للامانه هالايام مقصره فصلاه الفجر اصليها متاخر استغفر الله والاذكار كل يوم اقولها صبح ومسا واستودع نفسي والقران ما انام الا وانا قاريه ثلاث او اربع صفحات
….
حد منكم صار او يصير لها مثلي ؟؟؟
يمكن لانج لما تحسين الامتحان سهل تجاوبين بسرعة او ماتقرين السؤال عدل وتجاوبين غلط
ولما يكون صعب تركزين وتفكرين اكثر عن مرة وتراجعين خخخ
![Frown خليجية](images/smilies/frown.png)
مشكوره على ردج حبي
خلج متفائلة ودوم قولي انا سويت اللي علي والباقي عالله عسب شو ما صار ما ييج احباط
ربي يوفقج حبيبتي