بنات انا استخدم كريم اساس ماكس فاكتور و بودرة ميبلين
كانت وايد حلوه علي بس الحين يوم احط ويهي كللله يبقع
و خاصة يوم احط البودره بدون الاساس يبين ويهي مغبرررر
شو السبب؟
و الله افتشل يوم بنات الكليه يقولن لي بلاه ويهج مغبر؟ غيري البودره!
احس ماعرف اختار البودره اللي اتناسبني
بليز ساعدوني وانصحوني بنوع حلو
اللي اروم اتخدمه بدون كريم اساس.. يعني بشكل يومي
و بعد لو تنصحوني باساس حلو
بكون شاكره لكن واايد
^^
هو كتير حلو وفي انواع كتيرة بتلبق لبشرتك لاني انا من مجربي الديرماكول
كلنا جيه … الكل بيمدح لج بودره أو كريم أساس … بس عن تجربه … كل بودره تفرق من شخص لثاني
بس حزااات بعض المنتجات تكون مناسبه للأغلبية
إلي يناسبني يمكن ما يناسبج
بس بخبرج عن أشياء أشوفه عند الأغلبية
جربيه يمكن يضبط معاج
شوفي الدرجه إلى تناسبج هي حلوه بس أنا خذت درجه ما تناسبني طلعتني مغبره ههههههه
و إذا ميبلين هذا الكريم أغلبيه يمدحونه …
تبين أساس …
حلو و ما يلصق بالشيله … بس حطيه و تريي شوي عليه … مب خبط لزق على قوله اخوانا المصاروه
هذي أفتح درجه عندهم الIvory
شو بعد …
ما أدري … بس للأسف لازم تجربين … أنا عندي تجارب مريره ههههههههههه
ربي يحفظج
شي ثاني والكل يغفل عنه هو ((الهايلات والبلاشر ))
اكيد لو تشوفين ويهه البشر مو كله لون واحد وانتي يوم تحطين الفاونديشن يطلع لونج كله لون واحد وهذا تعريف مصطلح ((الويهه الشااااحب )) عشان جيه الدرجه المناسبه + طريقه صحيحه تحطين فيها الاساس + بلشر +هايلات
وبالتوفيق اختي اهتمي ببشرتج بتعطيج أفضل النتايج ..