بنات او ماكييرات ..
عندي سؤال صغيرون ..!!
ممكن تقولولي شو الخطوات للاساس .. انه تكون البشرة نظرة وصافية ويثبت الاساس ع الويه ..وماتحسين انه باهت ….؟؟؟ وكيف نخفي العيوب ؟؟؟
يعني اول شي تكون البشرة نظيفة .. نحطي كريم مرطب وعقب …؟؟؟؟
واقصد حق المناسبات مب الايام العادية ؟؟؟؟
انتظركم ^ــ^
يابس رقيص
ان شاء الله حد يدخل ويفيدنا
واحس عقب فترة الاساس يستوي باااهت ولازم ارد احط بودر …؟؟؟؟
اول شي اسوووي سكراب (فيشل) قبل المكيااج دوم اسووووي
وعقب احط زيت زيتووون عسب ماايكون جاف جي ربع ساعه عقب اغسل ويهيي
…..
اول شي احط نيفيااا شوي بس او ( مرطب من ماك ) حلو يعطي لمعه
عقب اساس وعقب بودررره بس بالماي احسه احلى
*.*
بالنسبه للمكياج تهيئة البشره شي وايد مهم
و الاعتناء بالبشره مب بس قبل ما تحطين المكياج يومين لازم تعتنين فيها
انا بقولج طريقتي ..
اول شي ادلك ويهي بسكراب لمدة دقيقتين الى 3 دقايق و ادلك بشكل خفيف استخدم سكراب اللوز
من هيملايا
بعدين اغسل ويهي و اشطفه بالغسول الي استخدمه كل يوم واهو من بودي شوب
اسمه Seaweed Pore-Cleansing Facial Exfoliator
:
:
.. بعدين انشف ويهي و اتريا شوي
عقب احط عليه تونر اذا ما عندج تونر مرري على ويهج مكعب ثلج من ماي الورد..
هالتونر الي استخدمه :
Seaweed Clarifying Toner
:
:
عقبها اتريا شوي و احط مرطب خاص بالبشره الدهنيه وانا استخدم مرطب من بودي شوب
Seaweed Mattifying Day Cream
:
:
اتريا 10 دقايق على بال ما تمتصه البشره
و احط كريم حوالي عيني من نايتروجينا خفيف و حلو
بعدين احط البرايمر من ماك على كامل الويه ما عدا منطقة التي زون
و على منطقة التي زون احط All Mat من ميك ابو فور ايفر
و اتريا لين ما تتشربه البشره زين
بعدين احط كريم الاساس من ميك اب فور ايفر على ايدي و ارش عليه 3 رشات من Fix + من ماك
و اخلطهم زين عقب احطه على ويهي و لبين ما ينشف احط اللوز باودر و عقب اكمل باقي الميك اب
و يثبت معاي الميك اب لين نهاية السهره او العزيمه..