امممممم ببدأ وبدون مقدمات انا ربيعتي عندها مشكله ووهي بصراحه مشكله البعض حاليا بالجامعات وهي مشكلة الايلس هي طالبة في جامعه الامارات بامانه هي مستواها جيد جدا بس ماعرف ليش ماتعدت الايلس امتحنته تقريبا اربع مرات والنتيجه وحده 4.5 وهي لازم تيب 5 لانها ماعدت الانجلش نجحت ون و2 ورسبت 3 وهي غلطانه حرمنت لفل 3 في المحاولة الثانيه وفي قانون يديد انه ممنوع تاخذ ماده بالانجلش ولازم بالعربي وهي مخلصه الفكر والمجتمع وقالوا له تقدر تاخذ مساقين حر في كليتها وسجلت حر والحين الكورس الياي لازم تيب يا ايلس اوتوفل 500 عسب تعدي لانه مابيكون عندها مواد تدرسهااااااااا وانا بصراحه اشوفها ضايعه ومب عارفه كيف تتخذ القرار امتجنت توقل من سبوعين ويابت 450 وهي مفكره ترد تاخذ توفل للعلم امتحنت توفل وماتعرف شو سالفته بس لانهاا شاطره بالجرمر يابت شي فيه الحين شو تنصحونها ترد ع الايلس ولا تاخذ التوووفل وكيف تستعد لتوفل عشان تنجح فيدووها بتجاربكم والتوفل شووو الاشياء الي تخليهاااا تعدى هالامتحان بنجاح ودعواتكم لها بالتوفيج
وربي يوفج الجميع يارب وشكرا لكم والسموحه منكم
الله يوفقه يا رب … بس نصيحة خليها تعيد الايلس ..بس لازم تاخذ دورة مكثفة عن الايلس ..
لانه ربيعاتي خذن التوفل ورسبن .. عقب خذن الايلس وقالن فرق كبير بين الامتحانين.. ولله الحمد نجحن
وسمعت انه بيطرحوا في الجامعة الامارات دورة للايلس بس مب متاكدة من اللي سمعته
خليها تسال وتسجل في هالدورة .. لانه انا زمان ماخذة الدورة في الجامعة وبعدها امتحنت ويبت 5 لله الحمد..
وبالتوفيق ..
