يبون يزوجونه بنت عمه وهو مايباها

السلام عليكم بنات

احب اقولكم مشكله بنت خالتي لانه ماعندها نك فالمنتدى

يطوليه بعمركم

هي تحب واحد وتباه يعرس بها وهي تعرف انه يحبها خبروها البنيات بس المشكله ابوه يباه حق بنت عمه
والريال مايبا بنت عمه يبا بنت خالتي

في وحده استوى وياها جي وعرست بالي تحبه

هونو عليها بنات ليل نهار تصيح وتكسر وياها انهيار عصبي وكله تصيح ماقمنا نخليها بروحها

عطوني شي اقولها اياه ساعدوني الله يخليكن

فديتج الغاليه خليها تتوكل على الله وتلجأ لله سبحانه ما تعرف خيرتها وين صدقيني عن تجارب كثيره سمعت عنها ..
النصيب يصيب يمكن مب نصيبها …اذا هو فعلا يباها بيخطبها وبيقول لأهله انه يبغي فلانه …اعتقد عادي صار هل الشي ..
لكن اذا ما استوي نصيبها خليها دايما تردد وتدعي انه الله يعوضها بالي احسن عنه هي ما تعرف شو ربها كاتب لها …

اللي اعرفه ان الشباب اذا يبون يفتكون من وحده يعرفونها ومايبون يتزوجونها يقولون اونه اهلهم غاصبينهم على بنت عمهم ولا بنت خالهم
بس مابحط في ذمتي ..

موفقه

يبتي العيد ههههههههههههههه

الله يهديها على شو تنهار نصيبها بيصيبها انهارت ولا غيره خل تدعي ربها ييسر امرها احسن من الصياح ترى ما يسوي شي

الله يعينها ادعو لها بنات والله فوادي يعورني عليها حليلها تقولي مابا ارقد فغرفتي استويت اكرها لانه عاشت فيها كل لحظات الحزن والله تقطع قلبيه عسب جي انا اقول لا تحبون لحد يحب ترا عذاب زين ماذبحت نفسها الله يعين بس

رايي من رايج .. هذي حركات كل الشباب الحين , لا ويمثل بعد انه يصيح ودموع ومحاولات انتحار وحالة .. ومن وراها يضحك وعايش حياته محد غاصبنه ولا شي