الموضوع شرا ما قريتن ف العنوان …بغيت اعرف يوم ايي الخطيب وايشوف البنيه هوه وهله ..وايروحون متى ايردون على هل البنيه ..يعني بالباجر والا يبالهم يوم ..يومين.. ثلاث.. اسبوع ..بس بغيت اعرف ..متى ايردون ؟؟؟؟ وابا اعرف ليش ما ايردون سيده ؟؟يعني حرام بصراحه البنيه تيلس اتريا تقيمهم عليها ..بصراحه الله لا ايحط حد ف هذا الموقف ..اصعب شي انك تيلس تتريا تقييم الناس لك مهما كانت درجة ثقتك ف نفسك ؟؟
مادري مكان الموضوع غلط والا ؟؟
اتريا ردودكن
يوم يسالون عن الريال واهله ويجوفونهم زينين وعلى خلق ودين يردون عليهم
والله يوفقج حبيبتي
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
المشاركة الأصلية كتبت بواسطة ميروووه 
الموضوع شرا ما قريتن ف العنوان …بغيت اعرف يوم ايي الخطيب وايشوف البنيه هوه وهله ..وايروحون متى ايردون على هل البنيه ..يعني بالباجر والا يبالهم يوم ..يومين.. ثلاث.. اسبوع ..بس بغيت اعرف ..متى ايردون ؟؟؟؟ وابا اعرف ليش ما ايردون سيده ؟؟يعني حرام بصراحه البنيه تيلس اتريا تقيمهم عليها ..بصراحه الله لا ايحط حد ف هذا الموقف ..اصعب شي انك تيلس تتريا تقييم الناس لك مهما كانت درجة ثقتك ف نفسك ؟؟
مادري مكان الموضوع غلط والا ؟؟
اتريا ردودكن
اختي يعتمد على الريال في رياييل ياخذون وقت لييين مايفكرون ويقرروون
في حد بنفس اليوم يردون بالجواب وحد يطول عادي شهر
صحيح الموقف صعب بس بعد الريال بالاخير انسان حتى هو محتاج لوقت
يفكر هل البنت مثل مايباها واهلها ويمكن يتاخرون لانهم يسألون اكثر
وشي ناس جد جد جد ما اكذب عليج اييون يشوفون بنت فلان
وعقب يسيروون يطالعون بنت ثانيه وعقب ثالثه
وعقب يختارون الاحلى بينهن والانسب وفي كل الحالات كان في نظره شرعيه !
عشان جي يتاخرون بالشهور خخخخخخخخخ لو كان صار لي جي اسميني بروغه
المهم اذا ماردوا خلال اسبوعين او شهر افهميها انتي ——-
واعتقد مافيها شي اذا الوالده اتصلت بـ ام الريال وسالتها
ولا اتم البنت معلقه وضايعه
يمكن الناس عندهم ظروفهم!!!! يمكن عندهم شي
اصبري
