محتارة بسفرتي لسويسرا والنمسا ساعدوني بليز 2024.

عندي خيار واحد اني اسافر في شهر 4 ميلادي الي هو بداية ابريل لسويسرا والنمسا

بس خايفة من البرد القارص

يعني درجات الحرارة هناك مابين 17 في النهار و3 في الليل

خايفة اروح عالفاضي واتجمد من البرد

مع انه بيكون بداية فصل الربيع هناك لكن برد

من فيكم جربت السفر في هالشهر وكيف وضع الجو هناك

خصوصا ان احنا يالخليجيين مانتحمل البرد وانا بيكون معي بنتين 6 سنوات و7 سنوات

وش رايكم اكنسل السفره مع انها سفرة العمر ولا رح تتكرر الا بعد سنين بعيدة

وش رايكم

لا يا قلبييي سافري انا سافرت السنه الي طافت في بداية 5

و صح كان برد بس عادي الله يخلي الجاكيتااات

وبما انه فرصه لك وما بتكرر الا بعد سنين لا ساافري مو لهذي الدرجه البرد ما يحتمل

يعني انا كانت ماخذه اشياء طويله بس مو متينه لان ماكنت متوقعه يكون برد مرره بس عادي مشت اموري

انتي بس اهم شي خذي جاكيتات متينه وخلاص امورك طيبه بتكون و بناتك لبسيهم جاكيتات و قفازات عشان ما يبرد اطرافهم

لا إله إلا الله وحده لا شريك له، له الملك وله الحمد يحيي ويميت وهو حي لا يموت بيده الخير وهو على كل شيء قدير"

عزيزتي قولي بسم الله، استخيري وتوكلي إذا ربج يسرلج الأمور

ما شاء الله بناتج كبار، خذي ملابس شتوية وتوكلي

لا تنسين هذي فرصة العمر

بالعكس اختي روحي واستتانسي وبردهم مش نفس بردنا يضرب بالعضم خذي حق بناتج لبس غليظ وجاكيت وانتي بعد بس مب شرط كل يوم برد مرات تيهم شمس ويكون حر وفليل انتي مابتحوطين بتكونين فالفندق وبتسكرين الدرايش وفي اوروبا عندهم نظام التدفاه في الفنادق والشقق حتى الله يعزج فالحمام فلاتخافين واستخيري قبل

وان شاء الله تستانسون وتتيسر رحلتكم وتحطيلنا الصور

يسعدلي يومج ختيه

انـآ سافرت ف عز البرد بس بردهم حلوو

يعني مآ يضرب فالعظام شرات برد لبلاد

كثري من اللبس الثجيل والامور بإذن الله طيبه

وموفقه خير يآ رب