محتاره بين الزواج من ملتزم والوظيفة

اول شي لازم الأستخارة و انا الصراحه ما عرفت كم عمرج و لاكن خذي ورقة و قلم و كتبي كل السلبيات و الاجبيات هالزواج وقررري و الزوجة الثانية لازم تعرف انها بتشارك زوجها مع زوجه اخرى و هاذا راجع لج انتي و قرارج لا تخلين الي حولج يأثرون فيج فكري عدل و ان شاء الله الي فيه الخير رح يصير

حبيبتي هاي حياتج ما يستوي تشاورينا
في حريم يحبون يكونون ربات بيوت و في حريم متعودات ع الوظيفة و هذا روتين لهم
بالعكس بعد الزواج بتلقين وايييييييييد بنات يقولون يا ريت رياييلنا يقولون استقيلوا و نعطيكم مصروف كل شهر
يفرق من وحدة لوحدة و اما عن نفسي شخصيا انا وحدة ما اروم بدون نشة الفير و الدوام و متعودة ع ها الشي
و هاي حياتج مب حياتنا

ولو انتي صغيرة ف العمر لا توافقين انج تكونين زوجة ثانية
لان ريلج بيكون مقسوم نصييين
و صدقيني بتكونين ملانة طول الوقت ف البيت و تتريه
و يوم عندج و يوم عندها و خاصة انتي ما تشتغلين
و ف الاعياد بيكون عندها و اليوم الثاني عندج
و باجر بتزييييد مسؤوليات البيت و العيال و هل هو له القدرة يفتح بيتين و يصرف ع مكانين ؟
و هل انتي قادرة تتنازلين عن راتبج اللي متعودة عليه نفرض مثلا 15 الف و ريلج يعطيج 1000 ولا 2000 كل شهر ؟

ايلسي مع نفسج و فكري و استخيري

اختي انا لو منج ما بواافق

مب شرط يكون ملتزم يعني بترتاحين ويااه

وبعدين فكري فيها انتي مب الوحيده اللي بتكونين فحيااته

واحس بيكون فيه مشااكل

وبعدين انتي تعرفين ليش هو قرر يتزوج على زوجته ؟؟

يمكن هو يحبب التعدد .. شو يضمنج فيوم ماياخذ عليج ثالثه ؟؟

وشو يضمنج لا سمح الله يكون مافي اتفاق بينكم وتطلقيين ؟

انا من رااي لا توافقين, وعسى الله يرزقج باللي احسن عنه

بس اذا وافقتي حطي شرط من شروط الزواج انج تشتغليين

حبيبتي الريايل ما منهم اماان, حتى لو ملتزمم

لاتطلعين من شغلج عشان تضمنين مستقبلج

أنا أضم صوتي مع مهااوي

انا لو عنج طببعا ما بوافق

اولا ما بترك وظيفتيه بدون سبب وراتبيه عالي ؟؟

ثانيا ليش اكون الثانيه ؟ ما تعرفين باجر شو بيستوي بينكم

وهالريال ما بيكون بس حقج بيكون لج ولغيرج يعني يوم عندج ويوم عندها ؟

ويوم هو مب عندج شو بتسوين بتقعدين حاطه ايدج ع خدج

وماتعرفين سبب زواجه ليش يبا يعرس ؟

حبيبتي ابعد عن الشر وغنيله خلج في وظيفتج وخلي الريال عند حرمته شلج بصدعة الراس

باجر بتعضين صبوعج ندم انج تركتي الوظيفه حتى لو الريال زين

او اذا نفس ما تقولين راتبج عالي ومتعوده عالصرف اشرطي يعطيج هو راتب كل شهر

يعني مب اقل عن 10,000 عشان ما تحسين ان حياتج غير وما تندمين

والله يوفقج

ما اعرف شو اقولج استخيري بس لو منج برفضه اونه ثانية يا ريت لو تكوني الأولى وبعد حضرته لو شروطه اساسا عنده حرمه وانتي عندج وظيفة خذي ريال مش معرس لكن هذا حاب يعدد إذا انتي من مؤيدين تعدد كملي مشوارج بس الأفضل شوفي حرمته موافقه هالشي عني أنا لا وألف لا لأني أبي ريال بقراطيسه مش مجربب زواج وبعدين أخوج مش يبدي ربيعه على اخته المفروض اخته تاج راسه وربيعه آخر شيء يفكر فيه انا ما يهمني رضى ربيعه ولا غيره أهلي وبس

وبعدين خبرتني أختي وحدة ماخذه ملتزم وتشتغل بس شرطة مدني وهيه ثانية ما قالها منوع تشتغلين يعني بتكونين ثانية ويتشرط حضرته