اذا ممكن اللي عندها اولاد اوبنات في مدرسة العالم الجديد الخاصة في دبي تخبرني عن مستوى المدرسة:
المستوى التدريسي والعلمي
الجانب الديني والتربوي
مستوى الطلاب والبيئة الطلابية
اقساط المدرسة
وجزاها الله كل خير اللي تجاوبني على اسئلتي عن المدرسة
عندنا 2 فالبيت في هالمدرسه … اخو ريلي واخته
والله ان مستواهم عادي
يعني درجاتهم عاليه بس تدرين يعني شوي غش على شوي مساعده
صح انهم يذاكرون بس والله احس ان الي فالحكومه واااااااايد احسن عنهم
يعني الواجبات عمتي تحل لهم او انا اذا شي صعب والانجليزي انا احلهم !!!
مستواهم فالانجليزي مووووووووووووووووول عالحافه
ما يعرفون شي !! والله كله انا احل لهم واللي يدرسونه ولا يعرفون فيه شي
يعني فالحكومه فرق بين هني والله
انا اخواني واختي ف مدارس حكوميه والاولاد فالخاصه بس مستواهم واااااااايد اوكي
اما عن هاييل بصراحه ما حبيت المدرسه اللي هم فيه
مع انهم يمدحون المدرسه بس انا ما حبيت مستواهم
تعرفين خاصه وكل شي بفلوس ويدزدزونهم ويمشون لهم
وطبعا مب كل المدارس جي يعني حسب !
انا ما انصحج بصراحه … شوفي مدرسه ثانيه احسن من هالمدرسه
شوفي مدرسه تهتم فيهم وفي مستواهم الدراسي
وان الياهل يطلع منه فاهم مب عالفاضي يروح المدرسه
والله اخو ريلي الحين ماشاءالله مادري ثالث اعدادي بيروح ولا اول ثانوي
واخته الصف الرابع
وتخيلي طول هالسنين ومستواهم كيف !
حرام والله بس شو تقولين انتي ما بيدج شي
في مدارس وايد احسن منهاا