مشاكل الأطفال في اللغة الإنجليزية 2024.

السلام عليكم ورحمة الله وبركاته

ما هي أكثر المشاكل التي تلاحظينها في مستوى ابنك/ابنتك بالنسبة للغة الإنجليزية؟

هل هي القراءة؟؟ أم الكتابة؟؟

أم الأثنين معاً؟؟

وأرجو من كل أم/ أخت، كتابة عمر الابن/الأبنة أو الإخوة وفي أي صف.

أنا ولدي في القراءة والكتابة يعني … قرايته جدا بطيئة والخط الله لايراوييج الحروف اللي يكتبها حرف كبير مداخل على خط صغير … وموب مرتب في الكتابه …ولدي بالــ grd 3 عكس إخته ماشاءالله عليها خط حلو والقراءة ممتازة ..وبنتي بالصف الــ4

مشكوورة إختي على طرح هالموضووع …
عندج حل بخصووص ولدي ؟!!!؟

السلام عليـــــكم ..

موضوع طيب اختــــي وشي حلو نعرف المشكلة الي يعاني منهــا الطفل عشان نحاول نساعدة يتغلب عليهـــــــا بالتدريب ..

انا مب متزوجـــة بس عندي اخوي الصغير عنده مشكلة في النطق بيكمل 4 سنوات وما يعرف يرمس عدل يعني غيره في نفس عمره يعرف يرمس عدل ..سواء عربي او انجليزي ..وانا اعرف مشكلته تخص الناس الي حوله ..نحن ننشغل عنه وما نرمس وياه وايد عشان يتعلم ..يلعب ويا خواتي الصغار ومرات بروحه ..

بس اللحين من دخل الكيجي يرمس احسن عن قبل ..

ومشكورة على الموضوع ..

هل ولدج في مدرسة حكومية؟

أولاً: لازم الطفل يتعلم علم الصوتيات .. اللي هو صوتيات الحرف .. مثلاً حرف A ما ينطقه إيــه مثل ما نقراه .. لا .. ينطقه .. آآه .. فإذا حسيتي صعوبة عند ولدج فالقراءة فلازم إدرسينه هالصوتيات من أول ويديد لأن بيواجه صعوبة فالقراءة ..

وبالنسبة للخط هذا مع التدريب .. خذيله دفاتر خط وكل يوم خليه يخط لج صفحة عالأقل .. وعطيه جائزة ع كل صفحة يخلصها عشان يتشجع .. لأن إذا ما تعلم يكتب صح من الصغر خطه بيتم خربوطي لين ما يكبر!!

بس لا ننسى إنهم صغار بعد .. وقدراتهم محدودة .. بس مع التشجيع والمتابعة بيمشي حاله إن شاء الله

مشكلة النطق هي اعتقد سببها اجتماعي بحت .. خصوصاً إن عمر أخوج 4 سنوات .. الأفضل تشاركونه في الحديث وتطلبون منه يخبركم شو صار في الكي جي .. علشان يتعلم كيف يتكلم بشكل صح أو بالأحرى يروح المدرسة ويخطط شو بيقول لكم شو صار له اليوم ..

بس إن شاء الله فترة وبتعدي وبتشوفين ما شاء الله كيف بيتحول إلى بلبل :1 (80):

انا ولدي عمره 3.9 عنده بطيء شوي في الكتابه بس خطه ما شائ الله عليه

كنت احيانا اشك ان المعلمة هي اللي تكتبله ولقيت نفس الشيء متى ما يلست خالته ادرسه بس يحب يغلس وياي خخخخخخخخخخخخ

عنده خلط بسيط بين حرف A و E لكن بدت تمر بسلام

ولدي فالح في الانجليزي اكثر من العربي وخاصه في الكتابه

يمكن هالشيء لان الحضانة كانت مركزة على اللغه الانجليزية اكثر من العربي

ومع بدايه العام الدراسي بيدخل KG 2

وان شاء الله تتصلح الامور أكثر

وانا حاليا مركزة وياه على علم الصوتيات وقراءة القصصة القصيرة عشان يعود على القراءة ويكون قاموس يضم مفردات اكبر من الكلمات

وفي نفس الوقت بيعلم اخوه اللي اصغر منه وبيريحني خخخخخخخخخخخخ

واتمنى لو فيه شيء ممكن يفيدني اكثر ويا هالذيب العنيد تقولولي خخخخخخخخخخخخخ

ما شاء الله عليه

التأسيس مهم وضروري ومتابعة الأهل أفضل

على كل حال أختي لا تشدين عليه وايد عن يطفر الولد وبعدين يكره الدراسة ..

في كثير من الطرق تمزجين فيها الألعاب أو الهدايا بالتعليم علشان يحبون الدراسة ..

الله يوفقه إن شاء الله يوفق الذيب الصغيرون اللي عقبه