عندي مشكلة مع ولدي وبالنسبة لي كبيرة وايد وما اعرف كيف احلها
ياريت تساعدوني
ولدي فديته ما طاع يرضع من المرضعة ابدا كل ما اعطيه المرضعه يتم يصارخ وهو الحين عمرة 3شهور ونص
والاسبوع الياي بداوم *_*
فابى خبرتكم خواتي كيف علمتوا عيالكم على المرضعة وشو الحليب اللي تستخدموه لعيالكم
لاني استخمت سيميلاك ونوفيلاك واس 26 جولد واعتقد ان طعمه ما عيب ولدي وحاولت اشقط له حليب بس حليبي قليل؟؟؟؟؟؟؟؟
افيدوني
حاولي تعطينه رضاعة يرتاح عليها، اتعرفين فيه انواع وايده وعلى حسب حلمة الرضاعة
الحليب اللي ذكرتيه زين بس انا ااكد لج يمكن من الرضاعة
والله مشكلة اللي يشتغلون ويعانون من الرضاعة
الله يعينج حبيبتي
المشاركة الأصلية كتبت بواسطة Me&U 
حاولي تعطينه رضاعة يرتاح عليها، اتعرفين فيه انواع وايده وعلى حسب حلمة الرضاعة
الحليب اللي ذكرتيه زين بس انا ااكد لج يمكن من الرضاعة
والله مشكلة اللي يشتغلون ويعانون من الرضاعة
الله يعينج حبيبتي
مشكورة الغالية ما قصرتي جربت نوعين منهن بس بغير الحليب لميلوميل ان شاء الله وبضيف سكر جلكوز عليه وان شاء الله خير
واللي تعرف اسم حليب طعمه حلو ياريت لا تبخل علي
جربت اس 26 ولدي رجعه
ومن اليوع بيستسلم الياهل وبيرضع بس يبالهم صبر
جربي خليه عند امج ومن اليوع بيمسكها
انا بني تمييت احاول
والحين عمرها سنه واربع شهور وترضع مني
اخرت الجامعه والسبه الرضاعه الي مامسكتها
بس الحين كبرت وتاكل يعني عادي اداوم عنها
خذسلها مراضييييع الللي الحلمه مالتها تكووون بنيه لانها تكون سهله يمصها البيبي … يعني خذي مثلا رضاعه البيجون وبتحصلين الحلمات البنيه في الصيدليه بيجون خذي سمول اذا بنتج 3 شهووور … والحليب اللي ذكرتيه زين انا بعد عناء كويل مسكت النوفولاك navolac بس تاكدي انه العادي مب it لانه مال الامسااك … وطعمه حلوو بالنسبه للعياااال …
ولاتعطينها انتي المرضاعه خلي الخدامه تعطيها او امج او عمتج ..
والله ييسر عليج امووورج ..
ثاني شي لا تعطينه المرضاعه الا في الشديد القوي على قوله الصعايده يعني يوعان يوعان بياكلج
ثالث شي اصبري و اصبري و اصبري .. ما في ياهل يمسك المرضاعه بسرعه الا اللي امها راضيه عنها هههه ولدها مطيع ما يبا يعذب امه
و اذا شرب شوي هذا انجاز لا تقولين ابد ما مسكها لا مسك اليوم شوي شوي عن شوي بيصير يمسكها بنفسه .. كل يوم خلي الموضوع مثل التدريب .. اسبوع كفايه صدقيني