مشكلتي فالكليه!! 2024.

مرحبآآآآآآآآآآآآآآآ خواتي
اشحالكن عساكن بالقوه
المهم حبيت اقولكم عن مشكلتي فالكليه
والله يا بنات هالسالفه صارت من العام فقلت يمكن السالفه بتتغير هالسنه الله يسلمكن
في وحده كانت معايه فالكلاس وعادي كنت معاها سوالف وظحك ومصخره ووناسه يعني وصار بيني وبينها سوالف واخذنا ارقام بعض والله عادي
بعدين هي اتغير كلاسها عني بس تواصلي معاها ماتغير فجأه احس بجفا وحتى سلام ماتسلم استغربت من تصرفاتها حاولت ارمسها ماشي مفايده مااطيع ترمسني حتى اني اتصل فيها ماترد ادز لها مسج ماشي فرمست اربيعتها الي معاها بقوه لانه اغلب البنات لاحظوا عليها فيسالوني ليش وما عرف شو
فاربيعتها رمستها فقالت لها انها احسها تحبني وماعرف شو وتذكرني بوحده كانت تحبني وانا معروف عني انه ماعندي هالخرابيط فيت اربيعتها وقالت لي اول ماعرفت جيه تفكيرها قلت بحاول اني افهمها يمكن ماتعرفني وانا اسلوبي مع الكل جذه ولما حاولت معاها فلما تعبت قلت برايها وكانت اتخصني بنظرات وبعدين عالكورس الثاني في وحده عندنا حبتها ومشت وياها وانا عادي كنت ابدا ما كنت اعبرها فلما صار اسبوع مع حبيبتها اتصوروا حبيبتها كان بيني وبينها سلام وما بينا اي شي بعد اسبوع من تعارفهم والله كلما امر اونه تعلي صوتها تقول هاذي يت اتشوفج وماعرف من هالرمسه نغزات وكنت وايد اجاهلها فانا استغربت اشلون وصل لها اكيد هذيج الحبيبه تبى حبيبتها تغار عليها وجيه فاكيد قالت لها انه هذي حبتني قبل يعني انا احبها !!!!!!!!!!!!!!!!
فلما تعبت خلاص والله ماتعرفون شلون تعبت من سوالفهم لدرجه انه شلتهم كلها بدت تتحرش وجيه وربي انه من ورا حبيبتها تسلم علي وانا عادي اسلم عليها وحتى لما اشوفها مع هذيج اسلم وهذيج اشوفها تعصب بس اطنشها وردت ادز لي مسجات واادز فانا ع نياتي يحليلي هي ادز عسب تراوي حبيبتها تقول شوفي شلون تحبني وانا ماكنت اعرف ابدا !!
فبعدين لما شفت حركاتهن زادت عن حدها رمست الي كانت اربيعتي قلت لها اذا اربيعاتج وبالذات الي تحبينها ماصخوا عني والله بشوفون شي ما بيعجبهم قالت انا والله احاول اسكتهن بس ما يسكتن فقلت لها انا مستغربه شلون ظهروا رمسة اني احبج وانا مابيبني وبينج سلام من بعد كم شهر يعني فقالت انا بعد مستغربه شراتج
وماعرف انها رمسستهن ولا لأ؟
المهم العام طنشتهن
وفالصيف عادي ولما رجعت الكليه اول الايام عادي وبعدين رجعت حبيبتها تتحرش مره ثانيه فقلت اكيد بتعيد اسطوانة العام وللحين تتحرش والله ماتعرفون اشلون مظايجه من هالسالفه كرهت الكليه بسبتها واحاول اجنب الاماكن الي تكون موجوده فيها
واربيعتي اتصلت فيني البارحه قالت لي اونه مرمسه هاذي حبيبتها قلت لها لا ابدا ماصار بيبني وبينها شي فقالت لي اونها قالت لي انها مرمستنج وقالت انه انا بديت اكره اربيعتي وخلاص خليتها لها وانا بديت احب وحده ثانيه وانا يعني مالي شغل فهالسوالف بس اسلوبي مع الكل يبن اني احب وحاولت اغير من اسلوبي واجنب ما اقول اي شي يدام اي احد والله
عطوني حل
والله تعبت !!!

؟؟؟؟؟؟؟؟؟؟؟؟؟؟؟؟؟؟؟ظ

مرحبتييييييين ..

و بعدييين !؟

وربي اني اطنشهن بس احس يزيدن اكثر
وانا قلت خلاص مارااح اطرش لها مسجات وبحاول وايد اجنبها
لاني احس هي السبب فكل شي
ويوفقج معاي يارب
تسلمين ع الرد

فديتج السموحه ظفت الموضوع بالغلط ومن غير ما اكتب الموضوع !!!
يلا اتريا ردج

زخيهن هن الهنتين وهزئيهن شوها حبيبتي وحبيبتي !!!
مصخنها وايد وقولي حق هاي الي مطلعه عليج هالجذبه
وايد قاصه على عمرج وشرشحيها هي والي وياها بعد
صدق سخيفات