مشكلتي مع جامعة الشارجة .

أنا الصراحه اترردت اني اطرح مشكلتي لكن طفرت الصراحه والحل صعب هب عارفة شو اسوي وياليت مشكلتي انا بس …لكن مشكلة بنات غيري يعانون من هالقوانين اللي ماترحم واتخيلي الوحدة تطفر من الدراسة واضيع مستقبلها ,,

الله يسلمكن انا هذي اول سنة لي فجامعة الشارجة وتخصصي هندسة كمبيوتر لكن للأسف قوانين هالجامعة غيرت كل حايه كنت احلم فيها …انا قبل مااسجل فالجامعة صليت الإستخارة والحمدلله ارتحت بس ماتوقعت جيه الصراحه …انتو تعرفون سالفة امتحان التوفل والآيلس اللي مااعرف من وين ظهرت لنا يعني يعني تقريبا اغلب الكليات والتخصصات تحتاج لشهادة التوفل بمعدل لايقل عن 500 او الآيلس بمعدل لا يقل عن 5 فكل مهارة فيه….لكن عالشيء صعب والله صعب يعني انا ولا مليون مرة حاولت امتحن لكن الفرق يكون بسيط بين درجتي والدرجة المطلوبة وماانقبل يعني حرام سنة اضيع عليه بس ادرس انجليزي بدون فايدة مااعرف مستقبلي وين بيكون احس عمري ضايعة يعني حلمي هو الهندسة وانا من صغري كنت ابا هالجامعة معنه اهلي قالولي جامعة الإمارات او التقنية لكن انا مارضيت لأني ابا هالجامعة والحين كل مااقدم امتحان توفل واتريا النتيجة على امل اني انجح لكن انصدم يوم اشوف الدرجة يعني قوانين تعجيزية والله من دخلو الأجانب عفسو الدنيا علينا حرام يضيع مستقبلنا عسبت شهادة مامنها فايدة في الدراسة بس اللهم شرط من الشروط يعني لين متى بتم امتحن والله احس اني اتحطمت نفسيا وانا الحمدلله نسبتي كانت 87.6 % وعلمي وشديت حيلي بس عسب ادخل تخصص الهندسة لكن الحين شكلي بغير التخصص والله من كثر ماطفرت….ولا اهلي قامو يقولون قلنا لج سيري جامعة الإمارات والتقنية بس ماسمعتي الكلام كل يوم لازم اسمع هالموال منهم ..تعب وربي..

ادري وايد طولت عليكن بس الكلام روحه يظهر والله السموحه..

والحين خبروني شسوي ابغي نصيحتكم هل اني اغير التخصص ولا اغير الجامعة ولا ….مااعرف ..عطوني حلول ,,

السمــــــــــوحة منج

ومشكورة …

بلا هندسه بلا أدارة اعــــــــــــمال ..,,

لله يوفقج الغلا بدراستج ..,

وربيعاتي لين الحين يعانون من التوفل عساس درجة ولادرجتين يرسبون مع انهم شطار وهيك

الله المستعان بس