عزيزاتي الغاليات عندي مشكلة في دوامي أنا أأقدم وحده من البنات في الدوام والمدير كان وياي وايد زين قبل ماينتقلون عندنا ومن إنتقلوا صاروا يدبرون المشاكل ويخططون من وراي لاحظت إنه بدأ يتغير علي وبدأ يشوف إن شغلي مب زين وإنهم أحسن عني
قبل أنا كنت أشتغل داخل في المكتب الخلفي يعني ماأشوف مراجعين ولاشئ وكل شئ تمام وكنت الحمدالله وايد مرتاحه لاكن صار شئ غريب فجأة وبدون سبب نقلني من المكتب وطلعني للكاونتر خدمة عملاء ويوم ناقشته بهدوء صار يصارخ علي ويقولي شغلج مب أوكي وشغل فلانه وعلانه أحسن عنج حاولت وياه بكل الطرق لاكن ماشئ فايدة أنا وايد متضايقة وكارهتنهم كلهم حسبي الله ونعم الوكيل فيهم خواتي ساعدوني والله متضايجة ومالي نفس أداوم وماأبغي أرمسهم شو أسوي ؟؟ وهو رافض أي نقاش ولو خبرت اللي أعلى عنه راح أنضر وأنا محتاجة للوظيفة وماأقدر أنتقل من هذا المكان وايد صعب ..
قبل أنا كنت أشتغل داخل في المكتب الخلفي يعني ماأشوف مراجعين ولاشئ وكل شئ تمام وكنت الحمدالله وايد مرتاحه لاكن صار شئ غريب فجأة وبدون سبب نقلني من المكتب وطلعني للكاونتر خدمة عملاء ويوم ناقشته بهدوء صار يصارخ علي ويقولي شغلج مب أوكي وشغل فلانه وعلانه أحسن عنج حاولت وياه بكل الطرق لاكن ماشئ فايدة أنا وايد متضايقة وكارهتنهم كلهم حسبي الله ونعم الوكيل فيهم خواتي ساعدوني والله متضايجة ومالي نفس أداوم وماأبغي أرمسهم شو أسوي ؟؟ وهو رافض أي نقاش ولو خبرت اللي أعلى عنه راح أنضر وأنا محتاجة للوظيفة وماأقدر أنتقل من هذا المكان وايد صعب ..
سبحان الله نفس شعوري يوم كنت اداوم كانج تتكلمين عن الاتصالااااااااااااااااااااااات تماما مابقول غير اصبري والله المستعان
حسبنا الله ونعم الوكيل
وشو سويتي وياهن والله تعبت من النفاق يضحكون في ويهي وفي قلوبهم حقد حسبي الله عليهم
المشاركة الأصلية كتبت بواسطة أم عنووودي 
وشو سويتي وياهن والله تعبت من النفاق يضحكون في ويهي وفي قلوبهم حقد حسبي الله عليهم
اختي ماسويت شي تعبتوا واجهضت كم مره بسبب الغيظ والله سبحانه خذ حقي وبيين الحق الظالم والمظلوم
حبيبتي المشاكل بالعمل بكل مكان وكلنا مرينا بهذة الظروف
لكن أقولك نصيحة كنت أعتمدها أثناء عملي وأقولها لأولادي الحين ( أمشي عدل يحتار عدوك فيك )
لن نتخلص من الشر بالدنيا الي يوم القيامة فالمطلوب منك حبيبتي أثبتي وجودك وبآي مكان
وكوني وثقة بنفسك وكونك مجتهدة وتراعي ربك بعملك أنا علي يقين لن يستطيع أحد التعدي عليك والأنسان
المجتهد يثبت وجودة بكل مكان لا تخلي الموقف يحزنك بل خلية حافز لك —-
الله يوفقك لما يحب ويرضا —
الله المستعان