حبايبي
الله ييسر اموركم يااا رب و يبعدكم عن المشاكل
طبعا ما في داعي اكرر و اعيد امس طلبت منكم ان عندكم مشكله و مب حابين تنشرونه
خوفا من الاهل او احتراما لهم باب قلبي مفتوح لكم
راسلوني على الخاص و بنشره بدون ما احد يعرف انتي من …الا انا ,, انتي و ربنا لا غير..
كل المطلوب تدعونلي دعوة صادقه
الله ييسر امري …
بسم الله الرحمن الرحيم
السلام عليكم ورحمة الله وبركاته
شحالج الغلا
ويزاج الله الف خير على المبادرة الطيبة الي ادل على ان قلبج كبير
انا مشكلتي هي اختي
اختي عمرها 26 سنة موظفة وطيبة وعلى نياتها طبعا تفكيرها كله ينحصر فالزواج وسبحان اتقدمولها وايد بس يكون الكلام معاها مب بشكل رسمي وما يتم الموضوع
من فترة كلمتني ان في مراجع ياها الدوام وبعد فترة طلب منها الزواج بس المصيبة انه اردني بس شكله ورمسته ادل انه مواطن حتى هي انصدمت انه اردني
قالها ان عمره 30 ومولود هني وخواته ماخذين مواطنين ورتب عالية وانه بمجرد ما يتزوجها راح يحصل الجنسية وان له وظيفة مرموقة وراح ينفذ كل شروطها
البارحة اتقدم رسمي حق ابوي وقاله نفس الكلام بس ابوي متردد وكلمها وقالها عن مستقبلها ومستقبل عيالها بس هي تباه وحجتها انها تبا اتعرس وانها تخاف اتعنس وابوي ما يبا يجبرها على شي او يقطع نصيبها وبالنسبة لاخواني لين الحين ما يدرون بشي بس احنا نتوقع الرفض بس هي اتقول انها ما عليها من حد المهم راي ابوي وامي ما تعرف شو اتقول
بالنسبة لرايي الشخصي انا مب موافقة لان مستقبلها مب مضمون وانا خايفة عليها بس رايي ما بيأثر فالموضوع
آخر الكلام ان ابوي بعده بيسأل عنه بس انا حاسة ان بيوافق لان الريال شخصية وابوي منبهر فيه,, وهالشي نخليني في صدمة لاني مب متخيلة اختي تاخذ وافد وهي بعدها العمر جدامها
ربي يحفظج ويخليلج عيالج
خل اختج تستخير ،،،، ما خاب من استخار
لا
حل
فيه
ولا اخذ قرار
الا الاستخارة
ربي يوفقها