مشكله عاديه اللي تبا تقرا حياها الله^_^ 2024.

بقولكم سالفتي من فتره استوتلي وابا رايكن
انا وايد ويا حرمت عمي بينا سوالف وضحك واحبها وتحبني هي تراها ملتزمه وعمي ملتزم المهم هي طبعها ما تقر في البيت كله تحب تطلع برع جي طبعها ..عمي عصب عليها ويقولها يلسي في البيت ما يصير كله برع ومن هالسوالف قالها لا تطلعين مع فلانه عيينها طويله………تخيلوووو حد يقول عنج هالكلام والله حز في خاطري
هي من غباءها قالت لي بخبرج شي بس لا تزعلين عمج امس قالي لا اطلع وياج لانه عيينج طويله…هي تقول انها عصبت وقالت له اصلا فلانه اكثر وحده محترمه في العايله عشان جي انا احبها وايد وهي من كثر احترامها ريال مب حرمه تقصد انه من كثر تطنيشي للرياييل تسميني ريال

….تخيلوووو عمي من لحمي ودمي يحذر حرمته الغريبه مني……تراها مش من العايله وهي الغريبه تدافع عني

شو رايكم والله انا حز في خاطري وايد خاصه اني بنيه ومب حلوه في حقي

والله شككني بعمري ..انا قبل لا اسمع هالكلام طبعي اني امشي سيده وما اطالع بس من سمعت هالرمسه شكيت في عمري والله تميت اضحك على عمري اقول عيني طويله لا لا مب طويله…جي استويت مينونه اطالع الناس غصبن عني كلامه اثر فيه …..بس الحمدلله كان يوم واحد وراح ونسيت السالفه

ها خواتي شو رايكن!!!!!!!!