مضاااااااايجه وأبا ارتاح من التفكير 2024.

السلام عليكم ورحمة الله وبركاته

بناات انا وااايد مضايجه
الله يخليكم ريحوني وريحواا بالي
والله اني الليل ما انامه

بنات شوفوا انا كنت وايد ويا وحده من اربيعاتي وكنا ساكنين بنفس الغرفه في السكن الجامعي اقولكم فجأه بدت هالبنت اترابع وحده وياريت ربع.. كانوا حبايب و24 ساعه ويا بعض واربيعتي صارت مووول ما يهمها انها تقعد وياي او شي 24ساعه ويا حبيبتها وترقد وياها وكل شي وياها… اتخيلوا كنت دايما ارقد بروحي او احيانا هي اتي ترقد وياي بالغرفه بس لازم الحب وياها وعلى نفس السرير يرقدون
المهم انا ما ارتحت لهم اولا لانه كانت امبينهم حركات.. ثانيا انا ارقادي خفيف وهم يتمون يسولفون ويسوون اصوات وموبايلاتهم اترن 24 ساعه غير انه دواماتنا مختلفه فهم كانوا يقومون قبلي ويسووولي وااايد حشره
والله احيانا كنت اقوم اصيح
لاني ماكنت اقدر ارقد وكل مره اقول بصارح اربيعتي وبقولها اني مب مرتاحه وجي بس عقب اغير راااي
المهم كنت اشكي لربيعه ثانيه لانه ما كان عندي حد اشكيله غيرها اقولكم عقب صارحت بنت غرفتي بهالشي اني مب مرتاحه وجي بس بمسج مب وجها لوجه اقولكم صارت ضرابه وجي وهي ماتقبلت هالشي ومادري كيف وتمت اتقول كلام من عندها… المهم بعد كم يوم صارت ضرابه ثانيه مايخصها بسالفتي
صارت بين اربيعتي اللي كنت اشكيلها وبنت غرفتي وعقب هالبنت من القهر قالت كل اللي كنت اقوله حقها ويارييت قالت نفس الكلام اللي كنت اقوله… لا زيدت كلام من عندها وقالت كلام كبير وعقب صاااارت واايد سوالف وضرابات بيني وبين بنت غرفتي لدرجة انه الاهل ادخلووو.. والحين انا خلاص ابد مالي علاقه بالبنت على انها هي الغلطانه بس والله العظيم اني مووول ماخبرت اهلها عن حركاتها مع حبيبتها وسكت عنها المهم انا خلاص قطعت علاقتي فهالبنت والبنت الثانيه والحين مر على هالسالفه اكثر من سنه صح اضايجت وقتها من اللي صار بس الحين عادي
بس شو هي المشكله الحين انه كل البنات اللي كانوا اربيعاتها مووول ما يسلمون علي يعني يشوفوني ولا يعبرووون طااااف
ونصهم كانت علاقتهم وياها سطحيه مب لذاك الزود بعد مايعبروني ولا حتى يسلمون علي يعني اشوفهم بالكليه وبعضهم وياي فالكلاس ابد مايكلموني لييييييييش ما ادري رغمنه فيه واايد منهم كنت اسولف واضحك وياهم والحين جنه ولا وحده تعرفني منهم
اللي مضايج فيني يا بنات اني ابا اعرف شو السبب ليش هم جي يعني
انا ماسويت فيهم شي اوكي السالفه صارت بيني وبين بنت غرفتي الناس الثانين شو يخصهم والله اني واايد تعبانه وافكر بهالموضوع ليييش يعني صار أي حد له علاقه فيها مايكلمني ولا يعبرني حتى اللي علاقته فيها سطحيه واللله واااايد مضايجه اقول هي شو قايله عني احسها قايله شي من عندها غير انها عندها اربيعه ما شاء الله اتحب نتقل هالسوالف وترمس
والله امس ماقدرت ارقد فليل اقول ليش هم جي لاني امس رحت عرس وحده من الجيران وشفت ثنتين من ربعها اتخيلواا سووا روحهم مايشوفوني ليش مادري رغمني والله العظييييم اني ماسويت شي وهي الغلطانه مب انا
هي اللي خلتني ورابعت حبيبتها انا كل اللي سويته اني صارحتها وصح صارت ضرابه بس كان من حقي اسوي هالشي وبعدين انا اتفاهمت وياها بعد ماصارت سالفة اربيعتي الثانيه وعادي المهم انا خلاص هذول مايهموني وقاطعه علاقتي فيهم بس اللي هامني ليش البنات اللي كانت اتسولف وياهم جي يعاملوني والله احس اني مظلومه واحسها قايله لهم شي عني
وانا وحليلي والله مالي ذنب باللي صار كله بسببها هي
بناااات انا مقهوووره والله مقهوووره بليييز ريحوني بلييييييييييييز
ولاتقوليلي اسأل وحده من ربعها ليش انتي متغيره او شي لاني مستحيل اسوي هالشي احس كرامتي ماتسمح لاني جني اقولهم دخليكم رمسوني او شي من هالقبيل

فبلييييييييييييز ساعدوني وقولولي كيف اريح بالي من هالتفكير

لاتتضايجين حبيبتي ولا شي ..
برايهم .. مدامج واثقه انج مب مسويه شي ماعليج من حد ..
بس انتي حاولي تكونين صداقات يديده وهم جيه بينقهرون وف نفس الوقت مابتفكرين فيهم ..
لنه عندج حد وان شالله يطلعون احسن عنهم ..
والله مايسوى انج تتضايجيين .. ف النهايه بيعرفون منو الغلطان صدقيني .
وماعليج من حد الغاليه ..
اهم شي لاتضيجين ف عمرج ^_^
قلتلج كوني صداقااااااات ..
واتعرفي على بنااااات ..
والله يوفقج ان شالله ,,

لا حول ولا قوة الا بالله…

حبوبه سالفتج تعوووور القلب..حسبي الله ونعم الوكيل..

لاتشكين لصديق ..او ربيعه مقربه..لان هالزمن مافي يعنى مجال للثقه ..الثقه معدوومه بين الناس..

..الصاحب اللى ما تجى من صحبة غير العذاب نذر علي ان ما هجرني ابا اهجره..

وجهي شكوتج لله سبحان وتعالى ..وهو راح ينصرج على هايل اللى ما يخاااااافون ربهم

..ربي يساعدج الغاليه..

والسموحه..

انتي ليش مهتمة في هالشلة خلاص طاف اقلعيهم

دامج واثقه من نفسج انتي بعد سويلهم طافين مب طاف واحد
كوني لج صداقات
وتعرفي عبنات غير وماعليج منهم
الله يوفقج