مطاعم الامارات 2024.

واسمحوا لي اشارككم بتجاربي المتواضعة عصرت مخي عشان اتذكر هالمطاعم..

العين
الديوان: حلو بس المكان كان ضيق.
الشوكة الذهبية: مب ذاك الزود بس الاكل حلو وخاصة شوربة المأكولات البحرية.
الخروف الذهبي: عادي ما احس الأكل سبشل..
في واحد أكله عجيب بس المكان مب وايد حلو نسيت شو اسمه مطعم لبناني!!!! يمكن زهرة لبنان؟
نسيت سمحولي..

بوظبي
مطعم قصر الهند: طلبيت برياني وعيبني..

دبي
قيصر: احب الستيك والبشاميل والسلطة اليونانية ومممم سلطة الفواكه،،
حاتم: الكباب..

الشارجة
بر بحر: اموت فالصالونة مالتهم وخبز نان،،
الصدف: اللبن يمي يمي والسي فود لاباس مليت ما يغيرون اكلاتهم،،
قوس قز: بوفيه وحلو للتغيير.
خالد حرية: القعدة الصراحة وناسة خخخخ جنج فبيتج عالأرض وغرفة مسكرة والأكل حلو..

عيمان
ماعندي فكرة بالعادة نسير المول وناكل مطاعم الفاست فود..

أم القيوين
ما عندي فكرة

راك
قيصر
صحارى: يمشي حاله الروبيان مالهم حلو..
عمر الخيام: المكان جديييم بس اكله حلو..

الفجيرة
تاج محل: حلو
وفي واحد يديد شو اسمه!!!
ممممممم
مشوار ؟ شي جي نسيت والله الأكل لابس به وكان ازعاج..

خورفكان
عيش وملح: عجبني الديكور الداخلي والأكل كان طيب..

وهذي تجاربي البسيطة،،

انتظر مشاركاتكم الأحلى..

تسلمين حبيبتي ما قصرتي وعقبال ما نشوف المزيد..

والصراحة شهيتني اسير مطعم الفاندوم من زمااااااان ما عشنا اجواء رومانسية خخخخخ اسعارة معقولة ولا فوق؟

مطعم اوتار – جراند حياة
ماركت كافيه – جراند حياة
مطعم انيس – فندق الانتركونتيننتال فيستيفال ستي
مطعم زيتون – فندق الكراون البلازا فيستيفال ستي
مطعم شيراز-فندق الملينيوم الشارجة
يوم بذكر شي برجع للموضع وشكرا لج اختي

تسلمين اختي عالموضوع اللذيذ
بنات بتخبركم عن سعر البوفيه في مطعم الفاندوم بقصر الامارت بكم؟ وهل البوفيه يوميا؟

بضيف لما ذكرتوه
مطعم الحلاب -القرهود
مطعم جوني كارينوس-ايطالي عنده 3 افرع فستفال سيتي -ديره-البرجمان
مطعم بندروزا ستيكهم لذيذ
مطعم بيلا – وافي-ومارينا مول
مطعم شاميات بوظبي
مطعم بارس بوظبي ودبي
مطعم ارسلان ايراني في دبي
مطعم الاوبرج
مطعم ايراني في حياة ريجنسي دبي ماذكر اسمه
مطعم النافورة في ابراج الامارات
مطعم الاوتوماتك في مركز الشاطيء
مطاعم الظفرة بوظبي
مطعم فنز في روتانا بيتش الشاطيء بوظبي
مطعم في فندق شانغريلا بوظبي
مطعم بوفيه في نادي الغولف في راس الخيمة

تسلمين حبيبتي على مشاركتج الطيبة…

ولفتني المطعم الايطالي اللي ذكرتيه يبالي اسيره يمي يمي..

وصح ذكرتيني بمطعم بارس حلو اكلهم،، اذكر سرت اللي فدبي..

وبالنسبة للمطعم اللي في قولف راك تشوفينه حلو؟ مب جنه اسمه مطعم اوتار؟!