السلام عليكم ..
لو سمحتوا ادور على فستان عروس للـتـأجير حق تاريخ 16-7 مقاس سمول بسيط وحلو .. المشكله الفساتين حاليا كلها غالية وانا ميزانيتي مب وايد فا إنشاءالله خواتي اتساعدوني…
العرس تاريخ 16-7
المقاس سموول
ميزانيتي من 5000 إلى 6000 وشوية
اذا في 7000 وعيبني مب مشكله اذا يستاهل
اللون طبعا أبيض ومثل ما قلت بسيط وحلو إنشاءالله تساعدوووني خوااااتي
الله يسر الأمور انشاءالله
الي عندها فستان و السعر مناسب وكل شي اطرشلي على الخاص
واتمنى البنات يرفعون الموضوع ..
مشكوورين ما قصرتوا
جيكي الخاص الغاليه
الغاليه انا فستاني عارضتنه ب 7000 كلاسيك كله من الدانتيل وله ذيل طبقات طويل والظهر اكسات بالشرايط تصميم اللبناني سهاد عاقوري والقطعه من العيسائي فستاني كيوووت وسمول طولي 153 بس انا مسوتنه اطول لاني لبست كعب عاااالي واتظويقينه او توسعينه من الشرايط اللي ورا يعني يناسب الاكس سمول والسمول والميديم ومب عارفه وين اوديه ااجاجره والمشكله ان كل الحريم اللي ادقلهم يقولون ماناخذ غير فساتين مايكل وازرا ولازم كرستال وابا اوديه عند حد معروف وفساتينه راقيه لان حرام فستاني وايد راقي وناااعم ومشكلته انه دانتيل وايدين قالولي مانقدر ناخذه لان نخافه يخترب الدانتيل يوم نحطه ويا باجي الفساتين اذ حابه تشوفينه حياج طرشيلي على الخاص.. كنت عارظتنه ب 9 والحين رخصته لين 7 ومااقدر ارخصه اكثر عن جيه حرااام جيمته فيه ..
بليز ممكن اطرشولي لأني بعد لعرسي بس مب محصلة حلو تقريبا نفس ميزانية عضوتنا
Z3franeh
شكرا
Z3franeh
شكرا
اللي حابه موصفات الفستان تراسلني على الخاااااااااص….
مساء الخير انا بعد عرسي على شهر 8 وحابه اللي عندها فستان ميديم او لارج
اطرشلي على الخاص اذا ممكن عشان اشوفة
اريده فستان كلاسك مب منفوش وايد يعني عليه شغل بالدانتيل والكراستال بحركا خفيفة وناعمه واي لون سكري يعني اوف وايت او ابيض المهم يبين الخصر ويغطي الارداف بطريقة ناعمة
اطرشلي على الخاص اذا ممكن عشان اشوفة
اريده فستان كلاسك مب منفوش وايد يعني عليه شغل بالدانتيل والكراستال بحركا خفيفة وناعمه واي لون سكري يعني اوف وايت او ابيض المهم يبين الخصر ويغطي الارداف بطريقة ناعمة
على فكرة عيبني مواصفات فسنات ام sdt واتمنى انها تطرش لي صورة الفستان اذا بيجوزلي
هلاومرحبه انا عندي فساتين وعامله عليهم عرض خاص وغير انهم يدد وغير ملبوسين وموديلات وايد حلوه وانا مصورتهم عشان ابي انزلهم ع المنتدى وغير اني انا متفقه مع مصمميين يصمم الفستان اللي تبينه واللي انا راح اعرضه لج في المنتدي وانا عارضه واحد من فستان الزفاف مع فساتين السهره والاسعار للعلم والله مناسبه وفي ايد كل وحده وانا مراعة ظروف البنات واهم شي تكونو راضين بالفستان اهم عندي من سعره وع العموم اللي حابه تشوف اي من الفساتين تراسلني عالخاص والسعر كل فستان للبيع 5000 درهم فقط
واما التصميم ع حسب كل فستان بس مايزيد عن 7000 و8000 وخلال اسبوعين الى عشرين يوم يكون جاهز واي تعديلات او زيادات في الفستان نسويلك ع حسب رغبتج يا أحلا عروس