حبيت أطرح هالموضوع للنقاش و بأفكاركم و آرائكم ان شالله تساهمون في تنمية و تطوير أفكار بعض البنات …
لاحظت فالمنتدى كل ما وحده كتبت مشكلتها مع خواتها … مع امها ،مع اخوانها، مع ربيعاتها … أو مشكلتها بانها ما تحصل وظيفه أو تعاني أو مهمومه .. تختم موضوعها بجملة " ياربي متى اتزوج و افتك من هالمشاكل"
و بصراحه فعلا شي غريب لأنه الزواج مب حل هالمشاكل كلها ؟؟!!! الحل بايدج يا صاحبة الموضوع لو انتي ما رمتي تطلعين عمرج من مشكلتج لا تتوقعين زوجج المستقبلي بينتشلج منها ..
لو نفرض انج بزواجج بتلتهين عن هالمشاكل .. انتي تعرفين رب العالمين شو كاتبلج ؟؟ هل نصيبج قريب او بعيد ؟؟ سبحان الله كلها ارزاق بيد العالمين و محد يعرف..
اختي الغاليه ، السعاده الي تترينها من زوجج المسقبلي هي موجوده في داخلج ، لازم تعطين نفسج حقها و تعيشين حياتج متفائله … و لو بغيتي السعاده الأكبر و الراحه النفسيه اذكري الله دائما و عيشي في سلام مع نفسج..
الزواج روحه مسؤوليات متشربكه مالها اول ولا آخر انا اكتب هالكلام وانا بعدني في فترة ملجه لاني يوم افكر فالياي أحس وايد أشياء لازم أتعلمها و اكون حذره منها … و حياه يديده مجهوله الله يعلم شو مكتوب لنا فيها …
ختام الكلام …الزواج مب هو الحل ..
الحل بايدج انتي غاليتي دوري على السعاده في داخلج ،،
و الله يرزقنا و اياكم راحة النفس والبال ^_^
مشكورة الغاليه
قلتْ شحقـ هـْ بسمْ آلله ليـِشْ آلزوآجْ > مصْبآحْ سحريْ مثلآْ !
بسْ صدقْتيْ وآللـ هـْ تفكـيرجْ شرآ تفـكـيْريْ
تسلـميـنْ ع ْ آلموضـوْعْ ;
وآتمنـىْ آلبنآتْ يفـكرونْ
