في واحد مطفربي بحركاته ونظراته جنه رادار .. وانا مسوية اكبر طاف ..
مخبر ربيعاتي انه يباني وبيي يخطبني .. رديت ع ربيعاتي قتلهم اني مخطوبة( مب مالجه عشان تفهمون عليه ) .. ردوا عليه بأني انا مخطوبة ومايصير يخطبني ..
المهم كل ما احد نكت او قالولنا سالفه بالكلاس يصد ويتطالعني واحيانا يسرح ..
ومره قلت تاريخ ميلادي اجوفه كتب تاريخ ميلادي بورقته .. ويوم المس تسألني عن ماي سلف ( حياتي )
يتسمع ويكتب كللللل شي .. بتقولون اشدراج .. بقولكم بالبريك فتحت كتابه ( مع اني مب فضوليه بس حسيت وقالولي البنات )
اجوف كاتب كل شي عني ..! وع فكره الريال نفسه يعرف عنوان بيتنا وكل شي ..
وقالتلي المس يدااااام البنات كلهم بالبريك ان واحد يبا يتقدملج .. رديت عليها
قلت للمس : انا خطبوني 11 مره رفضتهم عشان خطيبي .. وانا مابهده اصلن ..
المس استغربت وتمت تتمصخر اونة ملكة جمال هااه وماشي ضحكنا شويه بس كانت مب متوقعه اني مخطوبة وقتلها اني مخطوبة يوم كان عمري 15 سنة ..
انزيييييين .. وعقب اسبوع الريال نفسه سار عند المس وقالها : انا ابي هاي البنيه ومالي خص ..
قالتله المس : هاي مخطوبة وقالت انها ماتباك .. ورمستها عن سالفتك وردت عليه بانها ماتباك ..
قالها : لا انا مصر اخطبها ..
جان تهز راسها وقالت شو ها غصب يخطبها البنيه ماتبيه ..!
يالولي بنتين من ربيعاتي قالولي انه مصر يخطبج ..!
انا قتلهم مابيه يخطبني ولا بوافق عليه اصلا ..
وعقب اسبووووعين بعد ساير عند ربيعتي قايل لها : انا ابيها ومايخصني انها مخطوبة ..!!!!!
وقالتلي مره ثانيه .. المهــــــــــــم انا طبعا مسوية طااااااف ..
مع ان شباب الكلاس كللللللللهم رمسوه وقالوله عيب طول الوقت اتجوف البنيه وهاي نفس اختك وخف هالحركات ..
لنه الصف كلهم لما اييبون اسمه لازم اييبون اسمي عداله ويتطالعووني ..!
ومرات يقولون ***** حبيبها ..!
وازيدكم شعر بيت في اثنين غيره قايلين نبا نخطبها وجذه لنها غير عن البنات ومحترمة بس انا رديتهم لكن سارو بدربهم ..
مو هذا الي ملوع جبدي 24 ساعه ماعنده سالفه غيري انا ويتطالعني .. واحيانا يوم اجوفه بالعمالة اتأفف عشان يطلع ..
( المشكلة مايطلع بالبريك ويوصل من وقت عشان يجوفني ..؟! )
المهم انا شو سويت قمت ارمس واحد ( واحد بالكلاس اصغر عني ودمه خفيف ) اسولف وياه عشان هذاك يخوز عن دربي
تعرفون شو مسوي ..؟ قايل حق الشباب ليش هذاك يرمسها ويسولف وياها ؟
وطار ايده بقلم اونة يبا يكسر خاطري خخخخخ (حركات جديمة)
يعني هو يدري اني مخطوبة افففففف منه
ياخي مابيه لو ينقلب فوق تحت مابيه .. بنات انا هب شايفه نفسي بس جي ماحب هالحركات خبروني شسوي ..
هذا صج فيه هفه وحركاته بايخه محد يسوله سالفه .. ووايد بنات رمسوني قالولي خبري خطيبج او كلميه عطيه بويهه قوليله لاتطالعني .. تدرون حتى يوم ايلس يدام يتجدم يوم ايلس ورا يرد ورا ..!
وانا ما اتجرأ ارمسه بويهه اصلا جان زين لو جفت ويهه بعد روحي مب حافظه كيف شكله هههههههههه المووووووهيم خبروني شنو اسوي ..!
لاتقولون انه جذاب ولعاب .. لنه البنت لما قالتلي انه يباج ويبا ايي البيت اليووووووم .. وبنفس اليوم ردت عليه قالتله لاتيي بيتها ..
واسبوع الثاني رديت ع ربيعتي قتلها اني مخطوبة .. المهم هذي شو سوت .. خبرت ربيعتها وربيعتها خبرت ربيعاتها كلها والبنات خبرو الشباب والمس خبرت البنات والشباب نشرو السالفه .. والا الريال مايبغي احد يدري بالسالفه بس فوق هذا حركاته الي ماتخلص .. والله يسامح اليميع ..
الله يعينه ع عقله
مردهـ بيمـّـل وبيروح بـ دربهـ ..
ربي يوفقج 
انا يوم كنت في معهد ادرس واحد تم يسوي نفس اللي قلتيه حق وحده وكان يقول ابا اخطبها وهي ترفض اخر شي وصل لها كلام ان رامس من وراها وقايل خسي باخذها لو كنت ابا اخذها ما بخبر شباب الكلاس كلهم اني اباها … وكان يتسلها فيها ونحن انصدمنا هالفترة كنا نتحراه يباها بس لو تفكرين بالعقل صح الريال لو يبا وحده ما بينشربين الشباب ان يباها
وقفيه عند حده وقوليله لو ما وقفت حركاتك بدخل اهلي بالموضوع
المشاركة الأصلية كتبت بواسطة هدى2 
انا يوم كنت في معهد ادرس واحد تم يسوي نفس اللي قلتيه حق وحده وكان يقول ابا اخطبها وهي ترفض اخر شي وصل لها كلام ان رامس من وراها وقايل خسي باخذها لو كنت ابا اخذها ما بخبر شباب الكلاس كلهم اني اباها … وكان يتسلها فيها ونحن انصدمنا هالفترة كنا نتحراه يباها بس لو تفكرين بالعقل صح الريال لو يبا وحده ما بينشربين الشباب ان يباها
وقفيه عند حده وقوليله لو ما وقفت حركاتك بدخل اهلي بالموضوع
انا رأيي من رأي هدى2
هذا يتسلى وقفيه عند حده وقوليله لو ما وقفت حركاتك بدخل اهلي بالموضوع
وما عليج منه وطرشيلة وحده من ربيعاتج اتقوله إذا ما وخر عن طريجج بيكون لج تصرف ثاني وياه وبيندم عليه وبسسس
ذيج الساعه بيتبريد وما بيطالعج مووول
وتـرى رمستـج مع الريـآل اللي أصغـر منـج مش حـل لانه غلـط تسولفيـن معـآه ف خـآرج نطـآق الدراسه او الشغـل بآرك الله فيج ,,
ولو مـآقدرتي ترمسين هلـج ,, خبـري الادراه عنـه لأنه اكيـد شـي قوآنين تمنـع هالتصرفـآت ,, وهـم بيعرفـون شقى يتصرفـون معـآه ^^
آلله يصلـح شـآنه ويستـر عليـج
آختج ف آلله