ممكن تدخلن،،،ولدي والعرس 2024.

السلام عليكم ورحمه الله وبركاته

أخباركم حريم ؟

ان شالله الاسبوع ألياي بكون عرس عندنا وان شالله بودي ولدي ويأي وهو 7 شهور ،،،،أمم أذنه مابتعوره من الصوت ؟

أتريا ردكم وشكرا

لا حبيبتي احس حرام صوت الاغاني عالي والياهل توه صغير ّ!! بيتم يشتكي من اذنه

بس اذا انتي ما عندج حد يمسكه وديه وياج …

مانصحج تودينه
لكن لوماعندج حد يمسكه وانتي ملزومة تسيرين العرس
خليه بعيد عن السماعات والدخون وشلي عربانته معاج
ولدي جد وديته عرس وعمره 6 شهور وخليته بعيد عن السماعات وخليت البطانية حول راسه من فوق عشان يغطي اذنه لكن بعد المسكين تم مبحلق عينه غير طبيعي واضطريت اخليه قريب من مدخل مطبخ القاعة وردينا بسرعة
الصراحة مايسوى
اذا في حد من بيتكم يأدي واجب العرس بيسد عنج
وقت وديت ولدي البيت خالي ( امي وخواتي) والعرس في امارة ثانية وزوجي مسافر عشان جذي وديته معاي

المشكله ما عندي حد يمسكه وهو متعود عليه عسب جي ما قدر أخليه عند حد ،،،،،،، وعسب جي حجزت لي نفس الفندق اللي بكون فيه العرس عسب أريح ،،،بس بغيت اطمئن اذا أذنه بتعوره ولا لا

لا عادي انا وديت بنتي بعمر سبع شهور ورقدت فالازعاج خخخخ

لو عندج مربية خليها تقعد معاه في اخر القاعه و ودي معاج عربانته

انا عن نفسي ما عندي خدامه

كان عندنا عرس وولدي عمره 3 شهور خليته عند ابوه (^^) حجزنا غرفه في نفس الفندق كنت اسير له فوق للرضاعه

هذا اخر الحلول لول