حريم وبنيات
بسرعه ماشي وقت
اللي تعرف كيف اطبخ الكبده تحط لي الطريقه
اختي حامل وطالبه علي اسوي لها كبده …
وانا بيني وبينكم مالي في الطبخ …
يالله اترياكن الله يخليكن ردن عليه
طريقة عملها سهلة مايبيلها شي
بس لازم تكون كبدة غنم
لآن كبدة الحاشي مب اي احد يضبطها
المهم
المقادير :
بصل مقطع صغار
طماط مقطع صغار <<< ممكن تستغنين عنه
ملح – بهار
الطريقة :
احمسي البصل مع البهار بقليل من الزيت على نار متوسطة الين يذبل
حطي عليها الطماط وحركي,, بعدها الكبدة <<< تكونين مقطعتها بشكل طولي
وحركي وحركي الين يتغير لون الكبدة << يعني نضجت
وفي الأخير طفي النار واملحيها حسب الذوق
ملاحظة:
*الكبدة مايبالها وقت عسب تستوي
يعني ان طولت على النار تصير قاسية وما تنفع تنوكل<< فهمتيني
* لازم تملحيها بالأخير عسب مثل ماقلت لك
وبالعافية
الله يسهل على أختك بالولادة
والظاهر ان فيها فقر دم فقالتها الدكتورة تاكل كبدة << صح 
ونصيحة مني :
لا تشرب شاي مع الكبدة او حتى بعد ماتاكل
لأنه يكسر الحديد الموجود بالكبدة بعدين وش الفايدة ؟؟
خليها تشرب عصير برتقال طبيعي معه لأنه يساعد على امتصاص الحديد ( عكس الشاي)
طالعة فيلسوفة بزيادة
يمكن علشاني احب اتكلم باختصاصي
تقبلي تحياتي
اخصائية تغذية وعلوم الأطعمة << مصدقة عمرها هههه
اختي تحب الكبده وهي نباتيه ماتاكل لا لحوم ولا غيره غير الاكل النباتي
والكبده
يسلمو مره ثانيه ع النصايح
والله يسهل ولادة اختج واذا فيها فقر دم خلها تاكل كليوم حبة كيوي وبتشوف الفرق
طريقتي أنا :
كبدة الدجاج ….ينغسل زييين ويعصر عليه الليمون عسب الزفرة ويترك ..
1- تقلين البصل المفروم ناعم إلين ما يحمر وشوية ثوم مهروس
2- تضيفين قطع الكبدة ويقلب
3 – رشي علية شوية فلفل أسود و كمون و شوية بزار
4 – صبي عليه حوالي ربع كوب صلصة الصويا وأنا أفضل من الماجي ..
5- يوم بتحسين خلاص نشف تقدمينه وتزينينه بالكزبرة المفرومة …
وبالعافية
المشاركة الأصلية كتبت بواسطة وردة الشارجه 
اختي تحب الكبده وهي نباتيه ماتاكل لا لحوم ولا غيره غير الاكل النباتي
والكبده
يسلمو مره ثانيه ع النصايح
اختج طالعة علي…..