اشحآلكنَ بنآتَ / حريم
أخويـه يبآ يعرس وامي وأبويه محيريله وحده من كم سنهَ
المهم طلع فيهآ تليفَ / وأنآ قلت الـه يآولد الحلال لا تغتش وتآخذهآ
لأنك انته بتبتلي فيهآ عقب بتجآبل حلـآلك ولا بتم تعآلجهآ واتسفرهآ
البنت تتعالج وشلوه عنها بس مثل ما اعرف انه التليف ما يخلي الحرمه اتحمل
يعني يروح ويرجع بالعمليه
ومشآكل كثيره ، تصير بين الريال والحرمـه
تأخر الحمل / أو الجهآض / أو حتى العقم 
أخوي ومآعندي غيره وأتمنى له الخير
عسب جيه افيدني بتجاربكن مع هالمرض
وانصحني لا تقولن بتفطعين نصيبها بعد فكرن هذا اخويه وصعب اخليه يتعذب
وأنآ لا سمح الله لوفيه هالمرض ما بوافق ع العرس ومابغش الريال !
الله يبعد عنكن هالمرض ~
وهوه توه مكلمني انه مايباها بسبه هالشي ~
بس ابويه مب راضي يقتنع ونستحي نقوله عن التليف نخاف نظلم البنت
يمكن ترد مثل قبل واحسن
جزاكن الله الف خير
خلي اخوج يصلي صلاه الاستخاره احسن ..
والله يشفي البنيه باذن الله ..
والاثنين سوو عملية الليزر وماشاء الله احملن عقب على طول
كان يمنع الحمل قبل بس لما اتعالجو صار الحمل على طول
لا اتكبرون الموضوع هلشي صار بسيط الحين مب مثل قبل
وازيدج من الشعر بيت وحدة منهم احملت عقب العملية ويابت توام بعد الله يحفظهم لها يارب
ولو اخوج مب مقتنع فيها لو خذها وماحملت في فتره معينه يمكن يهدها لانه حاط ف باله انها ممكن ماتحمل .. ف احس الوضع حساس لازم هو يفكر عدل معنه البنت مالها ذنب ف هالشي .. وهي ماغشتكم تراكم اتعرفون عنهاا .. الله يشفييها ياااارب ويرزقهاا الزوج الصالح اللي يستاااهلها ويرزقها الحمل والذريه الصااالحه اللي اتقر عينها ..
المشاركة الأصلية كتبت بواسطة *حرم حمدان* 
خلي اخوج يصلي صلاه الاستخاره احسن ..
والله يشفي البنيه باذن الله ..
ربيعت ختيه فيهآ تليف ومتزوجـه قبل 3 سنوآت
ولين ألحين تتعآلج عن هالتليفَ ><"
ولا تقدر تحمل كل ما تحمل إطرحَ ~
وسولهآ أطفآل أنآبيب ومن كم شهر وطرحت
ومن هالشي نحن خآيفين !