السلام عليكم ورحمة الله وبركـاته..
احبتـــي… وضع بريد المشكلات من اجلكم…
منكـم ولـكم…
والهدف الحقيقي من فتحه هو مد يد العون لبعضنا البعض
والمساهمه في الاقتراحات الفعاله والاراء البناءة…
ولكي نحقق معـاً اروع النتائج.. لابد من الوقوف على اهم النقاط
اولها : نحاول ان يكون الرد ايجابي يبني لا يهدم
ثانيها : تتفاوت درجات المشكلات ولكن يجب ان نعلم ان لم تكن المشكله مهمة لدى البعض
فهي مهمة لصاحبتهـا
تقول صاحبة الرساله
بنات انا متزوجه من سنتين وساكنه مع اهل زوجي وعندي ولد وزوج حنون وطيب والحمدالله..علاقتي باهل زوجي طيبه..ولكن مشكلتي وين؟؟
مشكلتي هم اهلي أمي وأبوي..أمي من تزوجت وانا ماقصرت فيها..كانت تحمل زوجي فوق طاقته وظروفنا صعبه وكان زوجي يلبي طلباتها عشاني..وأبوي طبعا يشوف وساكت..وهم ظروفهم وسط بس انا ظروفي صعبه وماكانت تراعيني..وقلت أهلي ومحتاجين..
المشكله بدأت أختي اللي اكبر عني متزوجه من 10 سنوات..وعلاقتها بأهل زوجها مشاكل..وحتى مع اهلي كانت امي تتذمر وتشتكي منها..بس انا كنت دوم اطيب خاطر امي..
المهم اختي الكبيره صارت علاقتها قامت تتقرب من امي..وقبل كانت كله تقول لامي ظروفنا صعبه وصارت العكس اجيب توفر لهم مايطلبونه..ويزاها الله خير
لكن من تقربت اختي لامي انجلبت الدنيا..امي صارت ماتحبني..وكله تاخذ امي ويروحون يقعدون بروحهم فالغرفه وانا اقعد بروحي برع..بتقولون وين خواتج ماعندي غير اخ واحد..وهو الوحيد القريب مني..
وانا كنت اتضايق من امي وحتى ابوي يدافع عن اختي الكبيره..وماقصرت خربت علاقتي بأمي وابوي..حتى لو انا واخوي بنقول كلمه عنها يصارخون عليها بطريقه غريبه كانا مسويه جريمه
المهم في يوم من الأيام اخوي ماكان عنده رصيد واتصل فيني من تلفون البيت على تليفون غرفتي وكلمته وكان يشتكي من سوؤ معاملة امي وابوي له..وانا بنات قتله ماعليه لازم تحترمهم هذيلا امك وابوك..قلته شوف شو يسوون فيني..وانا ساكته..ولاجني بنتهم..
وسكرت عن بعض الا اشوف صايره مشكله كبيره..تدورن وش السالفه اختي مسجله مكالمتنا انا واخوي من التليفون الثاني..عندنا تليفونين نفس الخط واحد بالصاله والثاني بغرفة امي وابوي..
وقاموا امي وابوي وتضاربوا مع اخوي وسبوني..وتضاربت امي معاي وطردتني من البيت..
ودايم تردد انه زوجي بيجي يوم وبيطلقني لاني انا موزينه..وانه زوجي يراقبني شاك فيني..
والله بنات كل هالكلام ماصار..بالعكس زوجي يحبني..وقف معاي ضد اهلي..
وبنات انا اتصل في امي ابا اكلمها عشان الاثم بس تخيلوا كل مااتصل تسكر بويهي..
يابنات امي مشكلتها تسمع اختي..واختي كل يوم مطلعه سالفة يديده جذب..
عطوني حل أبا ارتاح..انا والله مرتاحه اني مااكلم امي..لانه يوم اكملها كله سب ويعاملوني جني منبوذه يوم ازورهم
ومن تصاربت معاي وطرتني انا مادخلت بيتها..واخوي يزورني بالدس في بيت اهل زوجي..
الله عندها الحل لاتبخل على ختكم ترى والله تعبت..
انا اختي ماتهمني وقطعت علاقتي فيها والله حاسدتني على عيشتي مع زوجي..
بس مع امي شو الحل؟؟
واللي ماعندها حل تدعيلي في صلاتها..
غاليتـــي
ربي يثبتج على خطاج ويهدي أمج وابوج يارب 
بنظري اختي " لا يغير الله ما بقوم حتى يغيروا ما بأنفسهـــم "
انتي ما بتقدريـــن، تغيرين طبع أمج واختج ,, يعني امج كم عمرها الحين !
فصعب انتي في هذا السن تقنعينها ان هي غلطانــــة
اختج شو بنقول غير الله يهديها ويصلــح من حالها ,,
والاهالي الي يفرقون بين عيالهم في المعاملـــة والمشاعر حسب الشيخ آآآآآآآآآثمــــــــــــين !
مثل ما نحن مطلوب منا نبر أهلنا ,, أهــلنا مطلوب منهم برنـــأ
لكـــن حتى اذا ما استوى هذا الشي منهم ,, لا تستوين مثلهم !
انتي بروحج ماشاء الله تشوفين ان الي قاعد يستوي غلـــط ,, فكيف ترضينه على نفسج
لا غاليتي شدي حيلج ,, وروحي عند أمج محملة بهديــة والكلمة الطيبــة
وراضيها وحبيها على راسها ,, ما عليه تطردج مرة واثنين وعشر وبالاخير بتمل :]
هذي أمك اختي ,, وصدقيني تراهــــأ تحبج
بس تعرفين وين المشكلــة ^_^ !
ان أهلنا أغلبهم ما تربو على المشاعر الايجابيـــة ,, وماتربوا كيف يعبرون عن أحاسيسهم وأمومتهم لعيالهم
" فاقد الشيء لا يعطيه "
فلا تتريين الحنان والعطف من حد ,, محد عطف عليه وحن عليه إلا من رحم ربي
فاعذريــــها ,, ومهما يستوي منها قولي أمي وهذا طبعها ,, تحبني لكـــن هذا طبعهـــا
خلـــج ايجابيــة ودوم ادعيلها في صلاتج وقيامج هي واختج بالهدايـــة ,, وصفي خاطرج وقولي يارب سامحتهـــم من كل قلبي
وصدقيني ماخاب من لجأ لله سبحانه وتعالــــى
وحتــى اذا انتي مب غلطــــأنة ,, روحي عند أهلج وقولي أنا غلطانـــــة حقكم علي
وأختج بعد اختي لا تتجاهلينها ,, تراها محتاجـــة لج 
شخصيتـــها كلها جذب وحقد وأنانيــــة ! وهي في أمس الحاجــة للإنســـان الي يراويها الصح من الغلط ,, اذا مب بالكلام بالمسجات بالرسايل بالايميلات ,, اي طريقـــة اختي ولا تخلين اختج في هذي الحالـــة !
وعسى ربي يفرج همج ويهدي أهلج ويسخرلج ريلج يارب
بس إن شاء الله بيي اليوم الي بتنجلب فيه ا الموازين ..والله بيراوي أختج على أفعالها ..لأن غالبا اللي يسوي جيه أموره تتعسر..
الله يصبرج ..اصبري وان شاء الله ربي بيفرجها إن شاء الله..
استسمحي منهاااا وزوريهااا دايماا وخذي ما بخاطرهاا 00لاتقولين طردتني وما تحبني
حبوبة ردي السيئه بالحسنه مع كل النااس فماا بالج مع امج؟
تدرين اختج بيي لهاا يوم وبتصك والله يصبرج ويأجرج ان شااء الله
بس لا تيئسين حااولي تكسبين ثوااب فيهاا وأنصحيهااا وتقربي منهاا
استعيني بالصبر والصلاة والدعااء لربج في القياام وانتي وااثقه ان الله
ماا راح يردج 00وعقي حملج وشكوااج لرب العاالمين
الله يحنن قلب امج عليج وايسر امورج وينولج الخير ياارب