في القدر :
14 ملعقه نيدو او اي حليب بودره
3 فناجيل قهوه سكر او حسب رغبتك اقل اكثر بس كذا مزبوط
فانيليا
بيضه
ثلاث ملاعق كبيره نشا
ثلاث اكواب و نص ماي
المرحله الثانيه
علبتين قشطه
في الكاسات :
بسكوت شاي
ماي الأناناس
للوجه :
علبة اناناس شرايح
فستق مطحون
الطريقه :
اولا نجهز كاسات الحلا بالبسكوت
طريقتي اني اغمس البسكوت في ماي الأناناس
منها طعم لذيذ
ومنها عشان تلزق بأسفل الكاس فما تطلع معاي لما اصب المهلبيه
طبعا نخلط جميع المقادير اللي في القدر بالماء .. بمضرب سلك .. ونحطها ع النار ونفتح علب القشطه وتخلينها جنبك
على نار متوسطه .. تستمرين في الخلط ما توقفين ابد علشان لا تحترق او يصير فيها كلاكيع او عقد
( الله يعينك بس اعتبريها أجر )
بمجرد مايتماسك تمام القوام ويغلظ تطفين النار وتحطين القشطه وتخلطين تمام وتتأكدين انها تجانست مع باقي المهلبيه
طبعا كاساتك جاهزه .. خلاص صبي فيهم .. وخليها تقريبا عشر دقايق لحد ما تخف حرارتها شوي
الحين خلاص جاهزه للتزيين
طريقتي احط الفستق اول علشان اضمن اكبر كميه
ثم الأناناس مع رشه بسيطه عليه فستق
طبعا تتسائلون وين القرفه
لما تحطينها ع النار تقدرين تحطين عليها عود قرفه محترم .. يعني حجمه لا بأس فيه علشان يبان الطعم.. لا تحطي بودره علشان لا تسود
وتكملين طبخها عادي جدا
وعلى الوجه تحطين جوز هند اذا تحبين
بالعافيه عليكم ،،،
ربي يسعدج