مهم جدا مهم جدا

هي لا تستغربون انا روحي منصدمة توقعته انقرض خلاص

بس الظاهر منتشر وايد هالايام الله يستر

بنات صحيح وايد منا عانا من هالشي خصوصا ايام المدارس قبل انا قلت وايد مو الكل وانا وحده احيد عانيت منه 3 مرات يمكن بنات لاتقولون قلت نظافه او شي لا هذا ابتلاء وعدوى الله يبعدا عنا ان شاء الله

والمواضيع اللي قريتهم اغلبهم مايكتشفونه الا بعد ماينتشر فيهم ويصير صعب السيطرة عليها وهالموضوع حيييل مهم لان اغلب الامهات الحين الله يهديهم يخلون البشكارات يسحون شعور بناتهم مو مثل اول احيد البشكارة ماتمسك شعرنا كله الوالده عسى الله يحرم ايدينها من النار يارب ويخليها لنا وكان كل اسبوع تفتيش عالشعر سبحان الله لان ممكن تلقطين القمل باي لحظة خصوصا بيئة المدرسة واحتكاك الطالبات الحين اللي اشوفه الام ماتدري عن شعر بنتها ولا تسحيه كله الخدامه بسرعه بسرعه وخلاص فعشان جي ينتشر القمل وماتكتشفه الا لما يصير الشعر ممزور قمل وصيبان فبليز يا امهات الله يرحم والديكم شوفوا شعور بناتكم وسحوهم وخلوا كل ويكند مثلا تفتيش عالشعر عشان تقدرون تسيطرون عليه خصوصا الحين لان يقولون حيل منتشر في المدارس البشكارة خليها للطوارئ كنت ظاهره ولا شي مو كل يوم واتوقع البشكارة حتى لو البنت فيها قمل ماتدري عنها .

بنات بليز انا طرحت الموضوع لان انصدمت من المواضيع اللي شفتها وخصوصا بهالوقت وايد مواضيع كاتبين بناتنا فيهم قمل او بناتنا شعرهم ممزور قمل ما اكتشفته الا لما لاحظت بنتها تحك شعرها وايد فديروا بالكم واهتموا بشعور بناتكم .

حبيباتي والله طرحت هالموضوع من حبي لكم ولان وايد يكسرون خاطري البنات اللي تسحيهم البشكارة

اتمنى من اللي بيقولون القمل انقرض ومن هالسوالف عدم الرد خصوصا ان انتشاره بهالوقت غريب

اي وحده مرت بهالتجربة مو عيب تذكرها وتذكر كيف تخلصت منا للي حابه خصوصا قبل كانت ذكريات ايام المدارس لا تنسى طبعا اكيد ذكريات مؤلمة خصوصا للي عانى من القمل .

يعني الموضوع للمناقشه

الموضوع جد مو مزح واتمنى يكون الموضوع فادكم ولو بالقليل