مهم: لماذا لا يُستجاب دعاؤنا مع أن الله تعالى قد تعهّد باستجابة الدعاء،!!

وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ

ولله الحـــــــمد ربي أنعم علي أكبر نعمه وهي إستجابة دعائي نعم؟ ولله الحمد لا أرفع يدي بدعاء الا استجابه ربي..

وفي هذا الموضووع ابتكلم عن اسراري في استجابة دعائي مب لاني ملاااااك وربي اعطاني هذي الميزه انتم كلكم تقدروا تصيروا مثلى وأفضل بعد بس اقروا كل الكلام معي وبتمعن

الــــدعـــــاء المـــــســـــتـــجـــاب …

كيف ؟ متى ؟ يستجيب ربي الدعــــــــاء أكيد الكل يتمنى هذي النـعمه

أهم شي تكون كل أعمالنا من القلب خالصه لوجه من غير ريــــــاء ركزوا من القلب ومن غير رياء

فكري معي انتي لما تعطين وحده اي شي وتجحدج ولا كأنج اعطيتيها شي اكيد بتقولين هذي ماتستاهل ولا حتى قالت شكراا ولا تقدرني صح ولا
كيف ربي ؟؟؟؟؟؟؟؟ ربي ما اعطاج بصر وسمع وصحه وعافيه ما اعطاج اكل تاكلي ما اعطاج شرب تشربي او مكان تنامي فيه وووو درستي وتوظفتي وتزوجتي وحملتي وغيرررره وماحمدتي بي تظني ان ربي بيستجيب دعائج بعد كل هذا كيف؟؟ وانتي ماحمدتي على النعم ولا شكرتيه……
من هنا ربي يستجاب دعائي دااااااااايم اكررر اللهم لك الحمد حتى ترضى هذا بالاقوال حمدت ربي طيب بالافعال كيف؟؟ انا اقولكم عينج اللي ربي اعطاج اياه وتشوفين كل شي فيها اذا انتي تكشفيها وما تغطيها عن الرجال لما تشوفين اي شي حرام ؟؟
كيف انتي شكرتي ربي لسانك دليل على شكرج لربي لنعمة قدرتك على الكلااام انك تكثري من ذكررره وسمعج وشلون اديتي حقك بسمعج ؟؟ اتركي الاغاني خلي اذنج تسمع كل شي محبب اتركي عنج التجسس؟؟؟؟؟؟؟ وووغيره الكثيرررر

اكيد أو نقول الاغلب يصلي بس للأسف الأقل مايصلي الصلاة بوقتهااااا وين تبون رحمة ربي تنزل عليكم اهم شيء الصلاة بوقتها حتى نكسب رضا ربي ورحمته ومحبته لنا لان الله اذا احب اعطـــــــــــــــــــى؟؟

السنن والنواااافل لا تنسووها حتى نتقرررب أكثر وأكثرررر لربي

دايم اكرر اكررر واعيد واقووول قيام الليل هذا أكبر سرررر بحياااااااااتي الكل يعرفه بس مش الكل يعرف فضله يعني تخيلي انتي تاركه النووووم وحلاته وتقومين منه عشان تسجدين لربي والناااس نايمين وانتي تدعين وتعبدين ربي شوفي حلاتهاااا ربي يستبشر ويسعد فيك ومن هنا يستجاب ربي كل دعائي والله والله احيانا ادعي بهذا الوقت ويستجاب ربي دعائي في الصبح 6 7 لان دعائي من القلب وبكل ثقه تاااااااااامه يعني اذا دعيت دعاء اروح انام وانا مرتاحه اعرف ان ربي يستجيبه واذا لم يستجيبه والله ان فيه حكمـه وهذا الافضل لا تكدرين خاطرك لما ما يصير اللي تبينه لانه يكون دفعة بلااااء كان بيجيك..

الدعاء له 3 مواضع:
1- إما يكون أقل من البلاء فيخفف البلاء يعني ان البلاء اللي انتي عايشته او المصيبه كانت اكبر بس مع دعائك خففت
2- إما يكون متساوي مع البلاء فيتعالجان الى يوم القيامه لا يصلك البلاء ولا الدعاء
3-إما أن يكون دعائك أقوى من البلاء فيستجاب دعائك كما هو وهذا يصير بالالحاح..

الصـــدقه حبايبي لو تعرفوون فضلها ماتركتوهااااا

أي كان نوع الصدقه وكانت لوجه الله صدقيني عند ربي كبيره لو كانت صغيررره

وخاصه لما تكون صدقه جاريه تخيلي وانتي نايمه وانتي جالسه بأي مكان بأي وقت تمشيلك هذي الصدقه وانتي ناسيتها يمكن
مثال لما تتصدقي بمصحف واعطيتيها شغالتكم يفرحونها فيها على فكره بنات..
وتلقينها تقرى كثييير ولما تسافر تعطيها أهلها ويقروون فيها وتسافر الشغاله وانتي ناسيه ومرت عليج مصيبه يوم من الايااام
ولاكن الله رحمج في هذي المصيبه وكانت خفيفه علييييج بسبب الصدقه الجاااريه ..
عندج ملابس او اكل اي شي لا تنسين من هو محتاج وبعد من الصدقه لما تكتبي مواضيع وهذي المواضيع تنشررر شوفي كيف الاجرر اللي ربي يعطيج اياه ؟؟؟

الغيبه والبهتان والنميمه
أكثر ما يقع فيها الحرريم ومايدروون انها أبشع وأقبح مايكوووون
قبل فتره وحده من زميلاتي تقوول ماتدرين عن فلااانه تراها خربااانه ياكبرها عند ربي حسبي الله ونعم الوكيل ماتدري ان هذي الكلمه اللي ما استفادت منها شي أغضبت ربي وبيجي اليوووم اللي يصير فيها ماصاررر ولما تدعي ربي تقوول ليه ربي مايستجيب دعائي ليه المصايب فوق راااسي وووو غيره
وكأن الحشش والكلام اللي ماله لزوم مهنه وموهبه عند الحررريم

ولا الظلم تظلمييين وتظنين انك سعيده بس فوق رب العباااد يستجيب دعاء المظلوووم وقولين ليه ربي ماوفقني ليه ما استجاب دعائي وشلون يرضى عنك ربي وينزل رحمته عليك وانتي ظالمه تذكررري من بحياتك ظلمتي والمظلومه تدعي عليييك الله لا يوفقها وانتي ظلمتيها ويمكن نسيتي وبكذا ربي ما يستجيب دعائج ولا يسامحج لان المظلومه ما سامحتج..

الكبر لله وحدده ليه مانتواضع ؟؟؟ ماتدرون ان الانسان المتواضع اللي يعلم ان لا احد له الكبر الا الله لانه العظيم وحده
دايم افكررر ليه الكبررر ما ادري وش الميزه اللي يتميز بهاالانسان تستحق الكبررر سبحان الله
العبد ضعيف وفقير مهما كانت حياته يبقى ضعيق وفقيررر لان بأي لحظه تتغير الاوضاع..؟. اتركوا الكبررر والتزموا التواااضع ابتسموا مع الناس لا تتكبروا على الشغالاات والعاملات ابتسموا معهم حتى يرضى عنك ربي ..

بر الوالدين
المشكله الكبيره لما نعصي في الوالدين على فكررره اذا تبين كل حياتك تمشي تمام طيعي والدينك وبتشوفين كيف الحياة ؟؟
اتذكر مره كنت في السوق ووحده عجوز جلست جنبي وتشتكيلي من بنتهاااا تصدقون ما جت تمشي امها لانها ماتقدر تمشي انا ياللي ما اعرفهااا ساعدتها الى ان وصلت عند الباب وبنتها تأشر من بعيد تقول يالله والام تعبااانه مررره؟؟؟؟؟؟؟ الله يهديها بس

اذكررري ربي في الرخاء حتى يذكرج في الشده

كرري لا اله الا انت سبحانك اني كنت من الظالمين
حسبي الله الذي لا اله الا هو عليه توكلت وهو رب العرش العظيم
الاستغفارررر
والتسبيح
وغيررره

الاغااااااني عسى ربي يهدي كل من يسمعها من هنا حياتي تغيرررره من يوم تركتهاااا تدري ليه؟؟؟
انتي عارفه ان وانتي تسمعين الاغاني من يرقص جنبك ؟؟؟؟؟؟ الشياطين ومو بس كذاااا ربك يغضب عليييييك ؟؟؟
والملائكه تكتبب ذنوبك ؟؟
بالله عليك طلعي الاستفاده الوحده من الاغااااااااني؟؟؟ هم وغم حتى لما كنت اسمع الاغاني ابكي بدووون سبب ؟؟

حاجه مهمه اتشوفين وحده نامصه الحوااااجب
وتدعي ياربي ارحمني ياربي وفقني ؟؟؟؟؟؟؟؟
اسألي نفسك هل تستحقين ؟؟؟؟؟؟
لالا لا تستحق
مو من عندي هالكلام
ربي لعن النامصه والمتنمصه ؟؟ يعني طردهم من رحمته معناته دعائك غير مستجاب …

ادعوا دايم الله اجعلنا ممن يستجاب دعائنا الله انزل رحمتك الوااااااااسعه علينا الله ارضى عنا
هذا دعائي دايم …

ذكري الناس بالعمل الصالح انصحي ذكريهم قولي لهم عن قصه فيها حكمه دينيه قوليلهم فضل من حفظ كذا وكذا فضل ذكر الله لا تجلسين في مكان الا ولك بصــــــمـه يرضى فيها ربي…

أتمنى أكون أديت واجبي وهو الأمر بالمعرووف والنهي عن المـنــكــــــــر