السلام عليكم ورحمة الله وبركاته
كيف الحال يا سيدات وآنسات .gif "12 (91)")
قسم المشكلات صار يعج بكثير من المواضيع العالقة و المتأججة بالقضايا والهموم والكرب (الله يفرج هم كل مبتلية)
وسبحان الله اول نصيحة نقولها وما نستغني عنها هي أكثري من الاستغفار
وإن دل على شيء فهو يدل على مدى اهمية و مفعول هذا الدواء العجيب المهدى من الله تعالى
وكأنه دليل تجربة نقوله ملء الفم وبكل ثقة .. الاستغفار هو علاجك الشافي بإذن الله
ولا يخفى عنا وعنكم الأدلة الكثيرة على عظمة الاستغفار سواء من القرآن أو هدي السنة
خواتي تعالو نتشارك المواقف التي كان للاستغفار الفضل الكبير فيها
يعني .. >>> نعود للهجه المحليه هع 
سولفي لنا عن المواقف اللي الاستغفار انقذج فيها او سهلها عليج =)
وفي الوقت نفسه نشجع الباقي للي عندهم من الهموم انهم يواصلون الاستغفار وانه الفرج قادم عاجلا ام آجلا
سوري احس الموضوع مخبوص لكن قلت الاستغفار ياما استوت لنا مواقف وياه وسبحان الله اتعلق فيه اكثر واكثر يوم اسمع شو سوالهم وكيف سهل حياتهم
تعبت خخخخ >> وايد عليه
اكيد انا عندي مواقف بعد بس قلت اطرح فكرة الموضوع اول .gif "12 (56)")
لو الموضوع مكرر ارجو حذفه لووول >>> .gif "12 (102)")
مودتي .. .gif "12 (7)")
مع انه ظرووفي ماكانت تسمحلي اني ادرس وماكنت اتوقع اني بدرس في نفس هالجامعه
سبحان الله استغفر الله واتوب اليه جزاش الله خير
سبحان الله
حلاتي بكيفي
و ريكاز
و دلوعة 2024
شكرا لتعليقكن المعطر
بقولكن واحد من مواقفي واللي يخص الدوام
دوامي ماحبه ومسبب لي حالة نفسيه ما تتصورنها .. لدرجة الصياح والله العظيم
بس ماخبر حد لأنهم يقولون عني دلوعه وجذه
فكتمتها بقلبي وهذا أثر على نفسيتي
اولا الدرب طويل لين مكان شغلي والزحمة لعبت دور فكنت خلاص اموت لين اوصل المجتب !
وثاني شي وألأهم مديري اهو مخرب علي حياتي كله ينتقدني و جدام الموظفين وما يعيبه شي
جتني حالة انهيار وكرهت الحياة وكرهت كل حد اييب طاري الشغل
كنت وقتها ما استغفر يللا يللا اقرا آية الكرسي وبس
ومره فالدوام وصلني ايميل عن هذا الشاب السعودي و مواقفه العجيبه مع الاستغفار
قلت اجرب وش خسرانه
والله والله يا بنات ان حياتي تغيرت وااااايد عقب
من اول يوم وانا اسوق الصبح واستغفر ماشي زحمة هذا غير ان الاشارات كلها خضرا وتفتح جدامي
اوصل الدوام من وقت !
ومديري صح ما تغير بس الله كفاني من شره وصرت نادر احتك فيه وقمت البس اي شي يقوله
حتى انه عفاني من كتابه ملخص الاجتماعات اللي كان هم على قلبي لأنه كان يهزبني ويقول ماتعرفين تكتبين !فكنت اصيح وافقد ثقتي بنفسي !
هذا غير احساسي براحه نفسية و بالرضا بقسمتي
واحس انه الله دومه دومه وياي
وخلاص استويت ما استغني عن الاستغفار ابدا واصلا لساني تعود عليه
وبث هيهيهيهي
يكفي هذربت وايد نخلي لبعدين
استغفر الله العلي العظيم وأتوب اليه