هــذه الموسوعه اعدت خصيصاً لك عزيزتي وسوف تجـــديـــن فيهـــا
اكثر من طريقة لعمل الكيك اتمنى من اللــــه ان اكـــون وفقــــت فـــي إختيــــار
هـــذه الموسوعـــة وأن تعم الفائـــدة على الكـــل و ان تنال على رضـــــــــاكم
والي عنده طريقه حلوه لا تبخل علينا …..
ولي عندها خبره في في تزيين الكيك بعد تساهم ويانا………
وان شاء الله كل يوم احط لكم طريقه يديده ولا وصفه غريبه….
ولي عندها اي سؤال تسأل وان شاء الله الكل يستفيد
المقادير
*كيك بالفانيليا .
*كأس حليب .
*كأس لبن زبادي .
5 *ملاعق كبيره حليب بودره .
2/1*ملعقة شاي فانيليا .
4/1*كأس سكر .
4 *مغلفات دريم ويب .
*شرائح خوخ .
*كأس كريمه مخفوقه .
*ملعقتا طعام سكّر مطحون .
*كريمه لباني او للسهوله كريمه مخفوقه .
*فواكهه طازجه مثل الخوخ والبرتقال والتوت وهكذا حسب الرغبه .
الطريقه
فتتي الكعك وضعي كميه منه في كل كأس من كؤوس الحلى او الوعاء الكبير واكبسيه جيدا ، رشي عليه قليلا من شراب الخوخ .
اخلطي الحليب والدريم ويب والزبادي والحليب البودره والسكر في طاسة متوسّطة واخفقيهما بمخفقة السلك حتى يصبح الخليط ناعم وسميك .
ضعي ملعقة من الخليط السابق على الفتات ومن ثم انثري عليه كميه من الفتات مره اخرى واكبسيهم جيدا .
رتّبي الخوخ أو البرتقال على الفتات .
اخفقي الكريمه اللباني والسكّر في الخلاطة حتى تتشكل القمم المتصلّبه وزيني الطبق بها .
رصي الفاكهة في الطبقه العليى ثم برّديها من 2 إلى 4 ساعات وقدميها بارده .
المشاركة الأصلية كتبت بواسطة الـريم 
وصلتني هالوصفه عالايميل و قلت الا ارااويكم اياها و ما افوتها
شكلها لذيييذ
اتبعي معاي هالخطوات وصدقيني مابتاخذ منج اكثر من 20 دقيقه بالكثير .. و لازم تقدمينها حاره و على طول .
———————————————————————————–
المقادير:
1-) كوب زبدة غير مملحة بدرجة حرارة الغرفه " و اذا مب متوفره استخدمي مملحه و استغني عن ذرة الملح "
2-) 227 جم " 8 أونص " كاكاو مبشور شبه محلى semisweet أو حبيبات الكاكاو الجاهزه chips اللي تستخدم في الـكووكيــز (ممكن تستخدميين كيس هيرشي اللي مثل هذا 
3-) 5 بيضات
4-) نص كوب سكر
5-) ذرّة ملح
6-) نصف ملعقة فانيليا سائلة
7-)4 ملاعق كبيرة طحين
😎 الصينية الخاصة بعمل كيك المافن واللي فيها 12 مكان للكيك و اللي مثل هذي 
الطريقة :
– شغلي الفرن بحرارة 450 درجة فهرنهايتية ( تقريبا 230 درجة سيليزية )
– ذوبي الزبدة مع الكاكاو فوق النار على حرارة متوسطة .ويوم بيذوب عدل بعديه عن النار .
اخلطي البيض بعدين ضيفي السكر و الملح
ضيفي الكاكاو السائل و لما ينخلط عدل ضيفي الطحين . و الفانيليا
حطي بالمعدن الأوراق الخاصه بالكيك و ادهنيها بالزبده
حطي الخليط في الاكواب . و لا تعبينها . حطي لي نص الماعون بس
و دخليها الفرن على الرف الوسطي .
راقبيها ..راح تستوي ما بين 8 إلى 10 دقايق .. شقايل تعرفين انها استوت . يوم بتشوفين جوانبها . غالبا بتشوفين سطحها لين نوعا ما بس هب سائل .. عادي لان راح ييبس شوي بعد ما تطلعينه
بعد ما تطلعينه قدميه على طول .
ممكن ترشين عليه سكر ناعم أو تحطين فوقه آيس كريم و فوق الايس كريم حطوا صلصة الشوكليت الجاهزه و هي بتتجمد و بتستوي مثل الطبقه اللي ع الكيكه .
و صحة و عافية
المشاركة الأصلية كتبت بواسطة الإماراتية33 جايبه لكم اليوم تجربتي بعمل كيكة بربري
واللي اخذت فكرتها من احدى الاخوات الله يجزاها كل خير
اخليكم مع الطريقة والصورة .. وتراها سههههههههههههله
طبعا الكيكة خليط كيكة بالشوكولاته من بيتي كروكر>>>>> لاني صراحه ما احب كيك البيت
اما الكريمه فهي برضو كريمه بيتي كروكر الجاهزة اللي بالفانيلا بس انا لونتها
الارضية ….
خلطت كمية كريمه بيضاء مع شوي من بودرة الكاكاو
او تقدري تخلطيها مع شوي من كريمة بيتي كروكر اللي بالشوكلاته الجاهزة
……………………
الخطوط البيضاء…
هذه الكريمة الجاهزة بدون اي اضافات
………………….
الخطوط البنية …
غالبا اسويها بكريمة بيتي كروكر اللي بالشوكلاته الجاهزة
بس ذاك اليوم ماكانت عندي فسويتها بكاكاو هيرشي السايل
حطيته في قمع بلاستيك وسويت بيه وحسيته احلى في الطعم
…………………….
الخطوط الحمرة بس صارت لي فوشية
كريمه بيضاء مع شوي لون احمر من الوان الطعام
………………….
الطريقة… احسها واضحة
1}اول شي طبقة كريمة بيج .. وبعدين دخليها الثلاجه بس تجمد شوي الكريمة عشان ما تحوسك لما ترسمي الخطوط الباقية
2} ارسمي الخطوط البيضاء وخليها عريضة… لانك راح ترسمي الخطوط البنية فوقها
دخليها الثلاجه زي قبل بس تجمد شوي
3} ارسمي الخطوط البنية فوق البيضاء
4}واخر شي الخطوط الفوشية او الحمرة
………………………… ..
طبعا الطبقة الاولى دهنتها بملعقة خاصة بدهن الكيك وممكن بالملعقة العادية
اما الخطوط فاستخدمت القمع .. بس النوع الاسطواني البلاستيك اللي له زي العود من ورى تضغطيه عشان تنزلي الكريمة
لان النوع اللي زي الكيس مخروطي.. احسه يحوس الدنيا
………………………… ..
طبعا الكيكه افضل تخليها في الثلاجه لانها اذا كانت بره لفترة طويله بتذوب الكريمه
والحين اتركم مع الصورة
المشاركة الأصلية كتبت بواسطة ام البنين2 
السلام عليكم ورحمة الله و بركاته
كيكة للعيد
صح ان عملت الكيكة قبل موعد العيد الاضحى بكتير
بس انا قاصدة عشان اصورها و احطها لكم عشان تستفيدوا
واذا وحدة حبت تجهزلها قبل بوقت..
شوفي كيف حتفرحي زوجك او اهلك لما تقدمي مثل هالكيكة بالعيد
الطريقة:
-الكيكة (انت اعمل الكيكة اللي انت بتحبيها او اللي بتعمليها دائما)
-انا عملت كيكة (ماركة العلالي)
-عملت خليط الكيك و صبيته بالصينية
-شوفي هالخطوة..جبت كيسين شوكولا مالتيزيرز (maltesers)
و شوية شوكولا هيرشي و هذه صورهم
و حاولت انزلهم شوي في خليط الكيك بواسطة الملعقة
و حطيتها بالفرن و هذه النتيجة
شوفي هالصورة
صورة جبتها من الانترنت و طبعتها و حطيت عليها ورق زبدة و ثبتتها عليها…عشان لا تتحرك الورقة
-ذوبي شوكولا و حطيه في مخروط ورق زبدة
-اعتبري مثل القلم و اكتبي على نفس الخط…مثل الصورة
انا ما وضعت النقط عشان صعب اني اشيلها بعدين
و حطيها بالثلاجة …(افضل انك تعمليها قبل بيوم عشان تجمد الشوكولا تمام)
نيجي للتزيين بالورود
-بالنسبة لهذه الورود…اقطعي العجينة على الشكل اللي مثل الصورة
و اعملي بالعجينة مثل البرعم (اللون البرتقالي عبارة عن احمر+اصفر)
و حطيه نفس اللي في الصورة
-خطوات عمل تزيين الكيكة
-اول شيء اقلبي الكيكة يعني القاعدة لفوق لان السطح مستوي
و حطيها على شيء مرتفع ..انا حطيتها على القالب اللي عملتها فيه
اقسمي الكيكة من الوسط بالتساوي
شربي اول شريحة من الكيكة بالعصير و حطي عليها الكريمة و الفواكة(انت ممكن تحطي اكثر
من الفواكه)
ادهني الكيكة كلها بالكريمة و ساوي السطح.
-جيبي الشوكولا اللي عملتيها بالثلاجة و بواسطة السكين افصلي الشوكولا عن ورق الزبدة
وحطيها على الكيكة و ضعي النقاط ..
بالنسبة للكريمة البنفسجية حطيت من ملون الطعام (الاحمر+الازرق)في الحليب و بعدين حطيت
ظرف الكريمة و خفقتها حتى صارت كريمة..
-حطيها في كيس حلواني و زيني الاطراف
و بعدين حطي الورود و الاوراق
والنتيجه كما رايتموها
منقوووووووول
المشاركة الأصلية كتبت بواسطة عيون الإمارات أشحالكم أخواتي ؟؟
حبيت أسوي كيكة جبنة الكيري وأصورها لكم
وأكتب الخطوات وان شاءالله اتنال على رضاكم ..
ولا تنسوني بالدعاء
المقادير:
3 بيضات
نص كوب طحين
نص كوب زيت
6 حبات كيري
فنجانين ونص سكر
قليل من الفانيليا
وقليل من البكينغ باودر
المشاركة الأصلية كتبت بواسطة شيخه الغيد 
من المعروف ان الحلى و الشوكولاته يزيد من الطاقة و السعرات الحرارية..
واللي تشعرنــا بالدفء
طبعاً مأخوذ من الإيميل وللحيــن ما جربت ولا وحدهـ
ان شاء اللهـ الأسبوع الجاي أجربهـا و أعلمكمـ :
وإليكم المقادير و الطرق
أولاً
المقادير
كاس ونص بسكوت مطحون ويفضل داي جستف
2 ملعقه كبيره سكر
5ملاعق زبده كبيره
2علبة جبن فلاديفيا
كاس سكر
ملعقه صغيره فانيلا
3علب سور كريم
3بيضات
كاس وثلث حبات كاكاو هيرشي بطعم الدارسين انا اخذت حبات الكاكاو الهيرشي وخلط معه ملعقة دارسين صغيره
الطريقه
نخلط البسكوت مع الزبده وملعقتين السكر ونضغطه في الصينيه ونرفعه علي جوانب الصينيه وندخله الفرن 8 دقائق ونخلط الجبن مع السكر والسور كريم
والبيض والفانيلا لمدة 5 دقائق ثم نضع نص الخليط علي البسكوت ونضع عليع كاس من حبات الكاكاو الهيرشي الي بطعم الدارسين واذا مالقيتها حطي ملعقه صغيره من الدارسين مع ا لكاكاو ونحط عليه باقي الخليط وندخله الفرن لمدة تقريبا 45 دقيقه وخليه تبرد في حرارة الغرفه لما تذوبين ثلث الكاكاو الي الباقي مع ملعقة زبده وتزينين فيها الشيز كيك بطعم الدارسين وندخلها الثلاجه حتي تبرد.
وبالعافية..‘
ثااانيا
براونيز تشيزكيك
المقادير :
كاس وثلث ارباع حبات كاكاو الهيرشي بطعم البنت بتر
6ملاعق كبيره زبده
كاس وربع سكر
ملعقه صغيره فانيلا
2بيض
كاس طحين +2ملعقه طحين
ثلث كاس كاكاو بودره
نص ملعقه صغيره باكنج بودر
رشة ملح
الطريقه:
نخلط الزبده والسكر ثم نضيف اليهاالبيض ونضيف الطحين والكاكاو والباكنج بودر ونحطها بالصينيه الي تنفتح من الجنب وندخلها الفرن لمدة 25 دقيقه ونبتدي الحين في خليط الجبن ومقاديره هي
3علب جبن فلاديفيا
3بيضات
ثلاث ارباع سكر
ملعقة فانيلا
نخلط المقاديرمع بعض وتكون الكيكه استوت الحين ونطلعهامن الفرن ونحط عليها حبات الكاكاو الي بطعم البنت بتر ونحط فوقها خليط الجبن وندخله الفرن مره ثانيه لمدة 45 دقيقه ونبردها ونزينها بالكاكاو ناخذ ملعقتين من الكاكاو ونذوبه مع ملعقه من الزبده ونزين فيها الشيز كيك
وبالعافية..‘
ثااالثاا
داندي كيك
المقادير
كاس ماء
2اصبع زبده
ثلث كاس كاكاو بودره
2كاس سكر
1ملعقه صغيره باكنج صودا
نص ملعقه صغيره ملح
3بيضات
ثلاث ارباع كاس سوركريم
2كاس طحين
ثلاث ارباع كاس بنت بتر اي نوع بس انا احب قودي
مقادير الكريمه
2كاس كاكاو مبشور مع 2ملعقه زبده نذوبه في حمام مائي
الطريقه
ناخذ الماء مع الكاكا البودره مع الزبده ونغليه علي النار لمدة دقيقه واحده فقط ثم نخليه علي جنب والحين نخلط الطحين وبانج صوداوسكر وملح وبيض وسور كريم ونضربهم بالخلاط حتي تمتزج ثم ناخذ خليط الكاكاو ونضيفه عليه ونصبه في الصينيه ونخليه لمدة 25 دقيقه او 30 المهم لما تستو ي نطلعها من الفرن ونغطيها بالبنت بترونتركها حتي تبرد ثم نصب عليها الكاكاو الي ذوبناه في الحما م المائي فوق الكيكة
وبالعافية..‘
رابعــــا
Mini cheese cake
المقادير :
12ككاكاو بودره
12 اصبع زبده
3 علب جبن فلاديفيا
علبة نستله حجم كبير
3بيضات
2مل ص فانيلا
تخلط هذي المقادير مع بعض ونستخدم القالب كب كيك
مقادير البسكوت هي
211ك بسكوت مطحون
6ملاعق كبيره كاكاو بودره
6ملاعق سكر بودره
6 ملاعق زبده
الطريقة
تخلط المقادير البسكوت ونضع ملعقه كبيره في القالب ونرصها جيدا ثم نضع عليه خليط الجبن وندخلها الفرن وثم الحين مقادبر الكاكاو الي فوق ناخذ 2ك كاكا مبروش ونذوبه ونخلط معه كاس كريمه ولما تبرد نحطه علي الكيكة من فوق.
وبالعافية..‘
خامسااا
الشيزكيك بالكاكاو
المقادير:
علب جبن فلاديفيا
34 كاس سكر
4بيضات
14كاس قشطه
2 ملعقه صغيره فانيلا
نص اصبع زبده
2كاس كاكاو حبات هيرشي
تخلط الجبن مع السكر ونضيف لها البيض والفانيلاوزبده والقشطه وتخلط جيدا
مقادير البسكوت
كاس ونص بسكوت مطحون
نص كاس سكربودره
ربع كاس كاكا بود ره
نص اصبع زبده
الطريقة
تخلط مقادير البسكوت ونضعه في الصينيه الي تنفتح ونضغط عليه
الحين ناخذ من حبات الكاكاو 2ملعقه كبيره ونذوبها ونقسم خليط الجبن ناخذ كاس ونص ونضع عليه 2ملعقه الكاكاو المذابه ونخلطهم ونضعها علي جنب ونذوب باقي2كاس من الكاكاو ونذوبهم ونضعه علي الباقي من خليط الجبن ونخلطهم جيدا ونضعه فوق البسكوت وبرفق نضع خليط الجبن الي خليناه علي جنب فوق الخليط الاول بحيث يصير عندنا لونين من الخليط واحد غامق وهو الي تحت والفاتح الي فوقه وندخله الفرن ونخليه لما يستوى ونتركه يبرد في حرارة الغرفه ثم نزينه بالكاكاو نذوب 2كاكاو جلاكسي مع ملعقة زبده وونسوى له تشخيط مثل الي في الصوره
وبالعافية..‘
إن شـــــــــــــاء اللهــ عجبتكمــــ
أختكمــــ // شيخه الغيد
