موضوع يستاهل النقاش والكل يشارك برايه 2024.

خواتي
موضوعي جدير بالنقاش والمشاركة واتمنى من كل وحدة تدخل وتحط رايها بكل امانة وضمير
الموضوع يهمنا ككل ماكييرات وزبونات وحريم وبنات من كل الاعمار وانشالله نوصل لتوضيح الفكرة
وهالشي يصادفنا كماكييرات وتترتب عليه نتائج احيانا عكسية واحيانا ايجابية
مابطول عليكم وندخل فالموضوع
!………… اولا هل تشاركوني الراي ان المكياج ماهو عملية تجميل؟؟؟؟؟؟؟
!……….ز ثانيا هل تعتقدين ان للماكييرة قدرات خارقة تفوق الواقع؟؟؟؟؟؟؟؟
!……….. ثالثا هل تعتقدين وتؤمنين ان لكل وحدة ملامح خاصة ماهي موجودة عند غيرها ولومكيجتهم نفس الماكييرة وفنفس الوقت؟؟؟؟؟؟؟؟
!………..هل تعتقدين ان شكل الحواجب الكثيفة مثل الحواجب المقصوصة والمرتبة تؤثر سلبا وايجابا على شكل المكياج؟؟؟؟؟؟؟؟؟؟؟
!……….هل انتي مع الراي اللي يقول: ان بعض البنات تتمكيج مع انها حلوة بيخسفها الميكب وبنت ثانية اقل من عادية تطلع قمر والميكب يغيرها ويحليها؟؟؟؟؟ هل هذا من الله ام ان الماكييرة هي اللي سوت هالشي؟
والله ان الماكييرة تتعب وماتتسلى واللي يتعبنا اكثر هي الافكار الخاطئة عند البعض ولازم الوحدة يوم تختار الماكييرة المناسبة تحط فبالها انها بتطلع حلوة مهما كان جمالها عادي ولكن ماتنقلب لوحدة من اللي نشوفهم فالمجلات والدعايات اللهم الا اذا كانت تشبهها فكل شي لان الميكب ماهو عملية الا اذا نشتغل فالماسكات والاستعارات الفنية الخاصة فالسينما

ادري ان الاسئلة كثيرة لكن حبيت اوضح نقطة مهمة لكل البنات وهي ان المكياج مجرد تزيين وتوضيح ملامح جماليه عند كل وحدة وماهو تغيير لخلقة رب العالمين وكل ماكييرة تحاول قدر الامكان تبرز الحلو وتخفي الشين وتنظف وتعدل وتتعب لان هالشي حبها وعشقها واكيد مامارست هالمهنة تطفل
ممكن ماكييرة تمكيج بنت ملامحها قابلة للتغيير وبلمسات بسيطة تطلع لوحة رائعة وممكن تمكيج بنت مافيها اي ملامح جمال وتحاول وتحاول كل اللي تقدر عليه لكن في النهاية النتيجة عادية فهل نقول ان هالماكييرة فاشلة وماتعرف تشتغل ونذمها لان المكياج على وحدة ماطلع حلو؟؟؟؟؟؟؟
والفكرة الثانية الخاطئة هي الصور وكل وحدة فينا تتمنى تطلع مثل الصورة لوحة فنية وبشرة صافية ومشدودة ولكن الواقع غير
انا كلامي بشكل عام وغير مخصص لكن نلاحظ الاغلبية يعتقدون انها لو تمكيجت تطلع شرات الصورة وهالشي غلط لان الصورة جماد والكاميرا جماد وماتوصل لنا الحقيقة مهما كانت لان الاضاءة تاخذ من قيمة الالوان وجودة الميكب وكل وحدة تقدر تميز بين المكياج اللي يكون متقن واللي يكون معدل بالفوتو وغير طبيعي واكيد كل وحدة فينا تصورت بميكب وبعد الصورة تقول : يالله الميكب كانت الوانه احلى وليش ماطلعت فالصورة
اتمنى تناقشون وتحطون ملاحظاتكم لاني وحدة منكم ورايكم يهمني ونعمم مانخصص ولا نذكر اسامي وكل وحدة تجاوب بضمير وحسب فهمها للميكب والصور واذا وحدة خالفتني الراي اتقبل بصدر رحب

فالاختلاف بالرأي لا يفسد للود قضية
وسلامتكم

موضوعج وايد حلو وواقعي
فعلا المكياج يناسب بنات وبنات مول مايناسبهم
بدون مكياج وايد احلى
وفعلا كل بنت تختلف عن الثانية
المهم الوحده تكون واثقه في نفسها
وشكرا على الموضوع

مابطول عليكم وندخل فالموضوع
!………… اولا هل تشاركوني الراي ان المكياج ماهو عملية تجميل؟؟؟؟؟؟؟

انا برايي ان المكياج هو عباره عن عمليه تجميل او تخسيف مؤقته بمعنى ان الماكيره هي اللى تعلب هالدور حالها حال الدكتور التجميلي اما تنجح عمليته او تفشل ولكن بشكل مؤقت واقول هالشي عن طريق رسم الملامح وابرازها او تخسيفها ورسم المكياج ودمجه ونظافته وعمل المكياج المناسب للمراه

!……….ز ثانيا هل تعتقدين ان للماكييرة قدرات خارقة تفوق الواقع؟؟؟؟؟؟؟؟
ما في شي اسمه قدره خارقه بنظري بس في لوحه فنيه تشكلها الماكيره او الماكير بانامله الفنيه

!……….. ثالثا هل تعتقدين وتؤمنين ان لكل وحدة ملامح خاصة ماهي موجودة عند غيرها ولومكيجتهم نفس الماكييرة وفنفس الوقت؟؟؟؟؟؟؟؟
اكيد لكل وحده فينا ملامح خاصه فيهاااا قد تتشابه بين الخوات هالملامح ونتيجه الجينات الوراثيه ممكن تشوفينها متشابهه مو بس بين الخوات حتى بين بنات العم والخال بس هنا تطلع شطاره الماكيره برسم ملامح وابراز شخصيه الوجه اللى تقوم بتعديله ورسم صوره مختلفه عن الثانيه حسب شخصيه الوحده

!………..هل تعتقدين ان شكل الحواجب الكثيفة مثل الحواجب المقصوصة والمرتبة تؤثر سلبا وايجابا على شكل المكياج؟؟؟؟؟؟؟؟؟؟؟

اكيد الحواجب لها دور كبير في رسم اللوحه الفنيه بسميها والحواجب تلعب دور كبير في جمال هاللوحه

!……….هل انتي مع الراي اللي يقول: ان بعض البنات تتمكيج مع انها حلوة بيخسفها الميكب وبنت ثانية اقل من عادية تطلع قمر والميكب يغيرها ويحليها؟؟؟؟؟ هل هذا من الله ام ان الماكييرة هي اللي سوت هالشي؟

مرااااااات مش دايما لو كانت خبره عاديه بالمكياج من غير دراسه ولا صقل هالموهبه في دراه ملامح كل وجه ممكن تعطينا هالصوره لكن لو كان شخص عالم بتفاصيل وجه المراه حتى في الاشياء الدقيقه من ملامح اعتقد انه بيرسم صوره حلوه وراح يبرز جمال المراه شو ماكانت
وبالنسبه للجمال الجمال رباني ورب العالمين ما خلق شي مو زين وذكر هالشي في كتابه وخقلنا الانسان في احسن تقويم صدق الله العظيم بس نحن اللى نخسف بعمرنا ولا ننسى ان الرووووووووووح تنعكس على الويه فالروح الطيبه تعكس على الويه سبحان الله ولا ننسى ان الوحده لازم تكون واثقه من عمرهااااا شو ماكانت

ويسلمو سوالف بحر على موضووووووووووووعج الحلو وارجو تقبل راااااااااااي بصدر رحب

رووووووعة الموضوع

اشكر مروركم واقدر رايكم واتمنى ان الكل يشارك وكل وحدة تحط وجهة نظرها
وانا مانزلت هالموضوع الا بعد تفكير ومعاناة طويلة اظن اغلب الاخوات يمرون فيها من ماكييرات وبنات
وانا من رايج اختي الظي الماكييرة الشاطرة هي اللي تعرف تبرز الملامح
لكن السؤال اللي يطرح نفسه ؟ شو تسوي الماكييرة لو كان مافي ملامح تبرزها اصلا؟؟؟؟؟؟؟؟؟؟
عن نفسي احب البساطة بأناقة
اشكر مشاركتكم وننتظر اراء البنات