مع العلم أنا حامل في الشهر الرابع و فحصت بس مرة وعرفت انها بنت و الحمدلله صح زعلت شوي بس راضية اللهم لا اعتراض بس خواتي ناويه اتأكد مرة ثانية بس بعد رمضان يعني بعد ما أدعي ربي يحقق لي هالامنية …بشو تنصحوني أنا راضية منكم أي شي بس لاتخلوني أحاتي أخاف انه حرام جيه بس بنفس الوقت احس في أمل كبير بس متأكده انكم بتقولو هذا رزقج و لازم ترضيبه مع العلم انا عندي بنتين والحين الثالثة …. ربي يوفقكم و يوفق كل وحدة تنصحني ….. و يارب يوفقنا واياكم على طاعته..
وبالفعل رمضان فرصه وغنيمة لتحقيق الأمنيات لأن فيه ليلة عظيمة والسعيد من تحراها ,,وليش يا أختى ما تدعين ,,ادعين واطلبين تراك ما طالبه من حد انتى طالبه من الخالق اللى رحمته وسعت كل شئ ومثل ما اعطاج الأناث ربى يحفظهن لج قادر على أن يعطيك~ الذكور ,,ادعين وايد وتضرعى الى رب العباد .
وان شاءالله تجى وتبشرينا برزق ربى لكى بولد معاف كامل الخلقه .آمين
وان كنت تعلم بان فيه شر لي فاصرفه عني
لان وايد حريم يبون الولد وشفنا كيف ان الحرمة يكون عندها ولد ومطلع عينها ومبهدل امه
ادعي ان الله يرزقج الطفل الصحيح السليم المعافى الكامل الخلق والخلقة وان الله يبارك فيه
فـــــــــــي شي احلى من البنــــــــأت في وايدين حريم صوبنا عندهم بنات وما عندهم اولاد بس اذكري ربج دووووووووم واستغفري والله يعطيج الي تبي ان شاء الله…..
ومرات وحده تسير هالمراجعه بيقولون بنت وبعدين ولد …….!! واايد تصير @@
بخبرج قصة وحده من هلي
عرست وحملت المهم وكل ماتروح تفحص يقولولها انه ولد
كل ماتفحص ، ولين الشهر التاسع وهي عبالها ولد
وخذي اغراض وثياب للنونو
ويه اليوم اللي بتربي فيه
ربت وانصدمننننننننننا انها بنيه كيف ليش و و و
مصدومين
بس الحمدلله على كل حال
وعلى فكره يمكن هالمره قالولج بنيه والمره الثانيه يقولولج ولد
بس انتي ادعي وادعي واستغفري وتصدقي واقري سورة البقرة بنية ان الله يرزقج بولد
انا مرت خالي من يومين ربت
وكانت البنت ال5
وهي خاطرها بولد
والله رازقنها بولد واحد من بينهم
والحمدالله فرحانه فيها
تقول اهم شي انهم بصحه وبعافيه