بنات انا متوهقة
حجزت عذوب لعرسي وتوها بنت خالوتي مطرشتلي مسج تقولي لا تسوين عندها لان من كم يوم حضرنا ملجتين والعرايس متمكيجات عندها وحتى شعرهم عندها…تقول مكياجهم مال اوووووول وشعورهم بعد جنه شغل مصاروة مال اول .. والمشكلة اني دافعة لعذوب 2000
وعذوب فيها طبع ماحبه…يوم اتصلبها ماااااا ترد ولا حتى ترد عالمسجات يعني لازم الوحدة تذل عمرها ذللل عشان ترد عليها .. مع اني حاجزتنها بعد!! بغيتها ترد علي عشان اسير اشوف مكياجها اليوم على اي عروس بس ما ردت
فعشان اكنسلها وانسى عربوني مابا اسير عند اي وحدة والسلام
فبليزززز بنات بغيت تجاربكم ويا نبيلة او رحاب ومنو مكياجها احلى وبغيت ارقامهم ضروووووري عالخاص بليز
بالنسبة للميك اب مابا مكياج خفيف ومتوسط
ابا مكياج ثجيل بس راقي في نفس الوقت مابا فتحات ورسومات وخرابيط بليييييييز اترياكم 
انا اعرف وحده مكياجها روووووووووووعه ماشاالله..
من شهر تقريبا كان عرس اختي والكل والله اتخبل ع مكياجها وسألوني منو اللي ممكيج العرووس..
وانا انصج روحي عندها والله ما بتندميييييييييييييين..
عالعموم اذا تبين رقمها راسليني ع الخااص..
وبييبها حق عرسي بعد ان شاء الله
وعندج منال الشامسي ..
وبالتوفيج حبوبه والله يكون بعونج
بس نفس ما قلتي ساعات ما ترد عالتليفونات بس يمكن مشغووله …
حاولي تتصلين فيها مره ثانية وشووفي يكون الوقت الظهر او قبل العصر .. وان شاء الله ترد عليج ..
بعدين انتي يحق لج تشوفين شغلها على عرووس وغيره قبل ما تحجزين …
اختي انتي ما سويتي عندها بروفة .. اذا ما سويتي رووحي سوي … اللي اعرفه ان شغلها حلو
وانا شفت كذا عرووسه مسوية عندها وحتى شايفه ملجه واايد حلو وكريم اساسها رووعة … والدمج بعد …
اختي توكلي ولا تلغين الحجز .. لأن مستواها يووصل لرحاب ونبيلة وصدقيني مو اقل عنهم …
ومثل ما قلت لج سوي عندها برووفه وشووفي …
وشي ثاني الـ 2000 درهم حرام يرووحن مني والدرب ..
وشمس بعد واااااايد حلووو مكياجها مكيجة اختي فعرسها وان شاء الله بتمكيجني انا
والكل بعد عرس اختي قام يطلب رقمها ورقم اختها مني
ربي اوفقج واتمم لج ع خييييييييير