اخواتي هذي اول موضوع لي ع المنتدى…. وحبيت اتكلم في موضوع حيوي يهم الكل …….لاحظة في الفتره الاخيره شكاوي البنات من سوء بعض مديرات المدارس والاداريات …..مثل المديره الي تفصخ البنات الزليقات والي تمنعهن من الحصص…. اذا على هالاسلوب !!! . يتعلمن تعليم منازلي مثل ما في امريكا احسن الهن…..
للاسف البعض ما عنده اي اسلوب للتعامل مع البنات…..يعني يعاملن البنات وهن رافعات خشومهن كانهن احسن خلق الله؟؟؟؟ اخواتي هذا الجيل جدا مختلف عن جيلنا …..ولازم نكون واعين في تعاملنا معاهم………انا معاكم انه فيه وايد مشاكل صعبه ما كانت ع ايامنا …. وانه هذا الجيل جدا جرئي ……بس لازم الاداريات يكون عندهن الشخصيه الي تحتوي الطالبات … والي لازم ايكونن قدوه للبنات…..ومافي مشكله ومالها حل بس ب الكلمه الطيبه…..واشدد ع الكلمه الطيبه…..يعني بعطيكن بعض الافكار….
1 لبست لبس مخالف ما اعصب عليها اقولها حبيبتي لبسج حلو بس مش للمدرسه اتصلي الحين للبيت وخليهم ايبولج شي ثاني…. واذا كررت المخالفه اخذ عنها اللبس واخليها تدفع غرامه مثلن 5 دراهم او 10 لصندوق الاعمال الخيريه في المدرسه… واللبس الي اصادره اسوي يوم مزاد خيري وابيعه والفلوس للصندوق بعد….
2- اذا شي اكبر من اللبس موبايل مثلن…. اول مره اتصل في ولي امر الطالبه واخليه يستلمه بعد ما يوقع تعهد انه الامر مايتكرر والمره الثانيه التلفون يصير من حق المدرسه …. تبيعه في المزاد والفلوس للاعمال الخيريه…..واذا تبي تتصل ع موبايل الهل تتصل من المدرسه بس تدفع 2 درهم للصندوق…
3- انوع العقاب للبنات بس كله ولا الاهانه…. ما فيه اي انسان يحقله يهين الغير…. ممكن اشغلهن في اعمال المدرسه… مثل المقصف او بعض الاعمال الاداريه بدل ما ياخذن فسحه……او يساعدن في اعمال اجتماعيه مفيده للمجتمع
4- واذا كان الموضوع اكبر مثل قلة ادب وعلاقات… فهذا الموضوع لازم يكون مع ام البنت…. مش ابوها… ولازم يصرفون بحزم وسريه…يعني ما يفضحن البنت في المدرسه….
5- واخر شي اقول كلمو البنات بحنان وحب… لازم كل الاداريات يختلطن بالبنات ويكون فيه حوار بينهن….لما انكلم البنات باسلوب راقي البنات بيحبنكن وبيستحن يزعلنكن…. ولا شوه رايكم؟؟؟؟؟؟؟؟
مهم: كل الفلوس الي في صندوق الاعمال الخيريه اساعدبهن البنات المحتاجات بس بسريه تامه… او اي اسر محتاجه… جذيه دور المدرسه يكبر ويصير اهم..
و سوري ادري اني طولت عليكن بس للافاده
5-
ويحتاجن الصبر واللين والرحمة والتفهم …….
بس……….!
اللي نشوف من كثير من الاداريات الا من رحم ربي ….بعيد كل البعد عن اللي ذكرته…….
من جذا البنات يتمادن ………….
لانهن في سن العناد والتذمر ورفض الاذلال والاهانة……..
وكان الله في عون الجميع.
مشكووورة اختي
ويزاج الله الخير
بس التعامل مع هذه النوعية من المشاكل لازم تكون من اختصاص الاخصائية الاجتماعية واذا هي ماقدرت على بعض المشاكل لازم يتحول الموضوع للإدارة ، وهنيه لازم الإدارة تاخذ موقف تدرين ليش لانه اذا مااتخذت الادارة موقف يتحول هذا الموقف ضد الادارة لانه البنات يتناقلن الاخبار ويوصل للأهل وفي بعض الأهالي يتهمون الادارة بأنها مب حازمه ومااتخذت أي إجراء في هذا الموقف .
ويتغير الحال ويصيرن مايتعاشرن… الا من رحم ربي \
وماشالله عليج .. كفيتي … بس دوري اللي بيقرا ويطبق