هالانسانه وايد اعزها واللي يعز جوجو يدخل يساعدها 2024.

انا من امس جايسني دوخه براسي يمكن من التفكير ماعرف عقولة توام روحي اني وايد اشل هموم الناس قبل همي وهذا طبع فيني ماروم اغيره

امسات الله يسلمكم يت اتزورني انسانه واااااااااايد عزيزه عليه ماتعرفون اشقد يسلست وسولفت وياها شوي وعقب كنت احدر ارمس ربيعاتي عالتجمع وجذه

جان تقولي جوجو عطيني لابج خل احدر المسن قلت لها مسني ناقع خل اييب لج لاب اخوي وسرت يبته لهاوانا ماكنت عارفه ان لاب اخوي يسجل المحادثات

خليتها رسمت عالمن وجذه وتميت ارمس ربيعاتي عالتجمع واظحك انا وياها ونسولف

عقب قالت بتصلي عطيتها السياده وخليتها تصلي وقلت بدش المسن من لاب اخوي

ماعرف والله كيف يا براسي افج سجل المحادثات عسب اتاكد انها تتخزن ولالا قبل لا احدر

يوم جفت شوي شوي جي عيوني@@ وحسيت قلبي يرقع بسرعه وكل شوي اطالعها وهي تصلي وقلبي يعورني عليها

انا اشوفها من فتره متغيره مب هي اللي اعرفها وكله حزينه حزينه

طلعت ترمس واحد وتفظفظ له باللي فيها انا اندمجت بالكلام ماصحيت الا عصوتها جوجو وين الحمام

سيده سكرت الصفحه وقلت لها مناك على يمينج

تميت شوي ساكته ومنذهله وافكر وطاحت عيني عشنطتها حصلت دفتر صغير شرات النوتس شليته قريت اول صفحتين

حصلتها كاتبه انها وحيده ومحد يداريها ولا حاس فيها وهي مب من النوع اللي يطلع ويرد وخاطرها يكون عندها يهال والعمر يجري وهي مكانها ترى هي اكبر عني

عسب جي عارفه انها تسوي شي غلط بس تسويه يمكن تحصل شي زين بهالدرب><

ملاحظه: والله خواتي مب قصدي افتش وربي ما اقصد حتى سالفة المحادثه بالصدفه شفتها

والنوتس حسيت روحي ابا اعرف شو فيها هالانسانه

وسيده حطيت النوتس مكانها وتميت افكر

يوم ردت من الحمام كانت تظحك وجذه ظحكت وياها وعقب قلت لها شرايج فيني ؟؟

قالت تماااااام التمام ياجوجو

قلت لها لا ارمس صج شرايج فيني ؟؟ قالت لي جوجو بصراحه اللي عايبني فيج صبرج انج تطلقتي عقب ملجه وبعدج صابره ومتفائله ان اللي ياي احسن مع انج يوميا تسمعين كلام يغث

قلت لها شفتي انتي بلسانج قلتيها متفائله مع اني منفصله

بس يوم تكون وحده بعدها بنت ولا انفصلت ولا تطلقت ولا شياته ولا ارمله وتحتها عيال تشيل همهم

ليش هالبنت ما تتفائل ان اللي ياي احسن واحسن واحسن وان مافي احد راح يرفضها لن فيها عيبه ولا مطلقه ولا ولا ولا ؟؟؟

تمت صاااخه عقب قالت جوجو انا مشكلتي لا اطلع ولا ادخل ولحد يشوفني وانتي تعرفين ظروفي

قلت لها هم انا لا اطلع ولا ادخل الا بالدز وانتي تعرفين هالشي عدل ويمكن انتي ارحم مني اتروحين لربيعاتج انا حتى ربيعاتي لا ماسير لهن بس بعدني اطالع الحياه بمنظور ثاني وهو ثقتي بربي ان اللي ياي احسن واحسن وفي شي حلوووو ينتظرني

قالت والله جوجو ياليت تفكيري شراتج قلت لها اترومين تخلينه شراتي بس يكون نابع من نفسج

قطع حديثنا تلفون ابوها

وقالت لي ابوي برع بظهر

وسارت

سارت

بس انا اللي تميت بحيرتي وتفكيري فيها

بنات هالانسانه وايد هاديه وايد طيبه وايد محترمه وخلوووقه واخلاقها جدا عاليه

ما اريد اشوفها ماشيه بطريق ممكن يدمرها واخليها تكمله

انا وربي لو انانيه جان خليتها ولا حتى قلت لها الكلام اللي قلته وكان قلت برايها حياتي ولا حياتها

بس ما اقدر حب لاخيك ماتحب لنفسك وانا احب لها انها تبتعد عن هالدرب عسب ربي يرضا عليها وكل شي تباه يتحقق لها برضا الله عنها

خبروني خواتي عطوني من نصايحكم الغاويه شو اسوي شو اقول لها

انا عادي راح اعترف لها اني شفت الحادثات والنوتس لني صريحه بهالسوالف

بس ابا اعرف عقب شو اقول لها بعد

دخيلكم عطوني من كلامكن الزين ^^