عرفتن القصه اللي خبرتكن عنها وبخبركن باللي استوى لان والله العظيم غيرتي على البنات وخوفي والله العظيم من الله نسمعه ونشوفه اجبروني علي الكتابه وبعد بكتب من باب العبره والعظه والله من وراء القصد
واللي اطلبه دعواتكم بتفريج كربتهم وبالهدايه بدون سب في اصحاب الموقف(البنت والشابين)
تم استدعاء أخوي والشاهد الثاني وشهدوا باللي شافوه في المحكمه ولكن بعد ماعرفوا اقوال البنت والشاب بحكم انه اخوي بعد عسكري ولكن في القوات المسلحه فقدر يعرف كل التفاصيل اللي هي :
طبعآ البنت اعترفت بعلاقتها بالشاب بعد ما واجههوها ومن اول ما حققوا معاها اعترفت انه آخر شخص شافته ورمسته هوه هالشخص
ومكالماتهم ومسجاته هوه حقها اثبتت صحة كلامها ولكن هي متهمه بعد رغم انه ماخذ تلفونها بس عرفوا كل شي دار بينهم
والريال كان شارد بس يابوه وفالبدايه انكر و ماعترف الا بعد الضغط عليه وبمواجهته بأقوال البنت ومكالماتهم .. الله يهديه
والقصه :
البنيه هذي متعرفه على الشاب من حوالي 4سنين وغلط معاها برضاها اكثر من مره ووعدها بالزواج
وتم يماطلها وتمت معاه على امل يصلح غلطته وبعد تم يتهرب ويماطل في وعوده
عقب ضغوطات الاهل لتزويج البنت من قريبها خافت وحست انه هالشاب يخدعها ودارت بينهم مكالمه تضاربوا فيها والبنت قالت له انه في حد خطبها وهو تم يتهرب ف سبت الريال وسكرت في ويهه وهو اعتبر انه هذي اهانه ولازم ياخذ بحقه منها
وو خلى في باله انه بياخذ حقه منها ولو شو يصير
عقب هالمكالمه بحوالي شهر اتصل فيها وتظاهر بأنه ندمان وانه مستعد يصلح غلطته بس تعطيه فرصه
ورجعت له وطلب يشوفها عشان يتفقون للزواج
المهم هو كان ناوي ينتقم منها من البدايه
وخذها وهددّها وشرّبها بمساعدة ربيعه وضربوها ورموها وقاصد يخليها في مكان كله شباب عشان تنفضح واختاروا هالكوفي
و اللي شارك الشاب في الموقف هذا استدلّوا عليه بعد واعترف بعد
على ماعتقد الثلاثه بينسجنون بس ماعرف كم المده البنت ماعفوها من الذنب لانه قبل كان كل شي برضاها
واتمنى اتمنى من كل البنات انهن ياخذ الحذر من الشباب واللي يبا الزواج بيدق الباب ابسط شي فكرن بعقولكن
مشكوورة اختي على النصيحة
وان شاء الله البنات يتعضون من هالمصايب اللي تصير من ورى شي اسمه الحب
الله يهديهم ..
اللهم استرنا فوق الارض وتحت الارض ويوم العرض ..
والصراحه الحين أستوت موضه لكن الله يستر علينا
مشكوره فديتج
تدرين شو اللي يحز بالخاطر؟؟
ع كثر ما البنات يسمعون من بلاوي… وعلى كثر ما يقرون.. وعلى كثر ما يشوفون إلا إنهم يطيحون في نفس الخطأ ويصدقون هالقصص الوهمية
الله يهديهن يا رب
هذي المسكينه غلطانه الف مره ..لو هي التزمت في بيتها وصلاتها وقرآنهااا جان الله عزهاااا.. ولا تجرا حد من انصاف الرجال انه يذلها بهذي الطريقه.. لكن هذا مصير كل وحده اتبعت خطوات الشيطان وأمنت مكر الله ..!!