السلام عليكم ورحمة الله وبركاته
إن الحب هو الحب ليس هناك حب لأيام زمان أو حب لأيامنا هذه ..
تلك المشاعر السامية والملخصة في كلمة { أُحُبِكْ }
ليست موضة لكي تكون قد بلت مع مرور الأيام ..من قال هذهِ الكلمة وأشرط هنا الصدق في قولها فهو مُحِب بالفعل سواء كان من محبي الماضي أو هذا الزمان ..
والآن بعد هذه المقدمهـ ..
مارأيكم في الرجل الذي يبكي من أجل الحب ؟مع إحترامي للجميع ..
فالحب عاطفة جميلة تجمع روحين ..
تتجسد فيها معاني التضحية والثقة المتبادلة بين الشخصين ..
ولكن..؟
الحب اختلف الآن في هذا الزمن ..
وأصبح عملة نادرة ..
سؤال يطرح نفسه ..
ما رأيك بالرجل الذي يبكي من اجل الحب ؟
هل هو إذلال لقيمة الرجل ؟
أم
هو في قمة الرجوولهـ ؟
أود تفاعلكم في هذا الموضوع ياشباب وياريت البنات يعطوننا وجهة نظرهم في هذا الموضوع
ومنو قال الريال مايصيح
اتمنى ماتزرعون هالشي في راس عيالكم
وايدين يقولون لليهال خصوصا الاولاد
لاتصيح انت ريال
البنات الي يصيحون
اسمحيلي طلعت عن موضوعج طشونة
بس تعرفون ان في ناس ينحرفون ويستوون " مب رياييل "
بسسبة جملة لاتصيح انت ريال !!!
عادي مافيها شي لو الريال صاح عشان الحب
بس الحرمة قلبها بيعورها
بس موب حلوة الناس الثانية تشوف هـ الدمعة لأنهم ما بـ قدرونها 
ولا بـ وصلون لـ رقي مستواها
شوفي فنظري انا ..
الريال مايصيح على اي شي شرات الحرمه ..
يعني دوم اشوفه مايصيح ومايتاثر بس يوم يحس انه بيخسر اللي يحبه صاح ..
يالله كم تسووووي تحسين انج صدق صدق صدق مهمه وراسج يكبر خخخخخ
بس اذا يصيح ع اي شي اخ بجزه ..
وسلامتكم
الرجل من طبعه نادرا ما يصيح وإذا صاح بسبب الحب فهذا شئ يدل على حبه الصادق واخلاصه ونبل مشاعره الي نادرا ما نجده في هذه الايام
لأن الدموع مجرد تعبير من القلب ..
مثلا إذا الريال عجز يوصف حبه لزوجته أحيانا تدمع عينه هذا معناته إن هو مب قادر يعبر عن حبه الكبير لها وتقديره إلا بالدموع معناته دموع الرجل من أقوى تعابير الحب ..
وهالشي جميل وقمة فالرومانسيه ..
في ناس يقولون ريال يصيح عشان الحب ها مب ريال اسمحولي أقول إن هالشي غلطططططط ..
طبعا أنا أقصد الدموع ما تنزل على أي شي أو كل شوي لااا بس في مواقف معينه ..
وأنا شخصيا إذا ريلي دمعت عينه في مواااقف معينه أحس إنه يكبر في قلبي وأبا أسويله أكثر وأكثر ..