شخباركم ؟؟
ببدأ فالموضوع علـــى طوول ..
فديتكن انا متزوجه لي 8 شهوور والله ماكتب لي للحين اني احمل المهم سرت عند دكتوره عسب تشوفني وتجيك علي وانا شهر 2 تجدمت عندي الدوره باسبوع وشهر 3 تاخرت 10 اياام يعني تخربطت عندي حتى استانست ظنيت اني حاامل والدوره عندي الحمدلله منتظمه بهالشهرين الاخيرين مادريس ليش تخربطت ..
المهم .. سرت عند الدكتوره وجيكت علي قالت لي الحمدلله المبايض عندج زينه ومافيها شي بس البويضات عندج صغييره يبالها وقت لين تكبر وعطتني حبوب duphaston
وسالتها هذا شي عاادي قالت لي عاادي وبتكبر مع هالحبووب بس مااعرف ليش انا خاايفه وافكر فهالمووضوع وريلي فحص وقالوا له ماعندك شي وكل شي اووكي الحمدلله
فالله يخليكم بناات اللي تعرف شي عن هالسالفه تخبرني وتريحني واللي استخدمت هالحبوب او كان عندها البويضلت صغييره تخبرني شو استخدمت
وسامحووني ^^
أما لتنشيط المبايض وتكبير حجمهم الدكاتره يعطون كلوميد أياام الدوره …
احس تو الناس على العلاج
لانج ما كملتي سنه ويفضل انج تبدين بعد سنه لو ما استوى حمل
بس شوفي
سوي رياضه وخففي وزنج اذا كان وزنج زايد
لان هلشي يساعد على تقويه المبايض والبويضات
وحاولي تبدين بالاكل الصحي والرياضه قبل الادويه
والحبوب اللي عطتج اياها اول مره اعرف انها حق تكبير البويضات
كنت اخذها قبل عسب لو حمل يستمر ولو لا تنزل الدوره ( يعني تثبت الحمل ومرات ياخذونها حق تضبيط الدوره )
والله اعلم
ان شاء الله حد يفيدج
استغفر الله الذى لا اله الا هو الحى القيوم واتوب اليه
استغفر الله الذى لا اله الا هو الحى القيوم واتوب اليه
ربي يرزقج بالزريه صالحه عاجلا غير اجلا اللهم امين يارب العالمين
——————————————————————————–
اختي
احس تو الناس على العلاج
لانج ما كملتي سنه ويفضل انج تبدين بعد سنه لو ما استوى حمل
بس شوفي
سوي رياضه وخففي وزنج اذا كان وزنج زايد
لان هلشي يساعد على تقويه المبايض والبويضات
وحاولي تبدين بالاكل الصحي والرياضه قبل الادويه
والحبوب اللي عطتج اياها اول مره اعرف انها حق تكبير البويضات
كنت اخذها قبل عسب لو حمل يستمر ولو لا تنزل الدوره ( يعني تثبت الحمل ومرات ياخذونها حق تضبيط الدوره )
والله اعلم
معاها 100%