وايد كتبنا و قرينا عن البويات.. بس محد قال من وين ين!!و شو السبب!! اقرو هالموقف
الموقف صار لأمي في المستشفى
تقولي أمي و هيه يالسه في قسم الانتظار:
ين بنتين شابات وحده فيهن حامل و معاهم ياه ل صغير (العمر سنتين تقريباً)
الياهل لابس قميص و شورت ولادي و حافي بدون نعال و انتو بكرامه
و شعره مقصص على اساس انه ولد
و الياهل من كرسي لكرسي يلعب و يتحرك ماشاء الله عليه
وحده من البنتين ام الياهل قالت:
سلامه سلامه
أمي قالت سلاااااااااامه؟؟؟؟؟؟؟
قالتلهن أمي ما سكتت .. هاذي بنت؟؟
ليش مسوين فيها جيه
ليش املبسينها لبس أولاد
و شعرها حرااام.. ما يدل انها بنت
قالو هيه ما ترظى!!!!!!!!
ما ترظى !!!!!!!!! هاذي ياهل .. انتو ما تشوفون الي صاير في الدنيا
ما تسمعون عن بلاوي البويات و غيره
(من شب على شي شاب عليه)
خذتها أمي في حظنها تقولها ماماه انتي بنوته حلوه ليش لابسه جيه
امي تقول حتى شغاااب (حلق) في اذنها ماشي عساس ايدل انها بنت
قالولها تعبتنا عنيده
شرايكم في الموقف!!!!!!!!
عنبو هاذي ياهل بنتين سنتين ما رمتو عليها
كيف لو وصلت الـ 13 و الـ 14
لا تلومون البويات
أهاليهم يتعايزون ايربون ما قال اليهال لا مابا ماابا قالوله على هواك
الأم مدرسة اذا اعددتها اعددت شعباً طيب الأعراق
و يتعامل الولد على اساس انه بنت
و المفروض يمنعون بنتهم تلبس لبس أولاد
اعرف ناس ولدهم و هو صغير كان كله يلعب ويا البنات و يلعب بألعابهم ما يحب يلعب بالسيارات و غيرها لااا بالعرايس
بس امه أدبته و سنعته و استخدمت وياه اساليب عشان يصير ريال
والله الموضوع حرام نسكت عنه حبسنا عمارنا وبناتنا عن الطلعه والسيره خوف من هالاشكال ..انتي بس روحي نادي السيدات يوم الخميس وشوفي المنكر ..والله شهر طايحه في البيت عظامي تعورني انا وخواتي من اللي شفناه .. وكل يوم في زياده وجرأة يطلعن علني ان جنها بنت بويه ولا ولد مت…..حسبي الله ونعم الوكيل …
انا ودي والله حد يكون عنده جرأه يكلم الشيخ محمد بن زايد لان هالموضوع ما ينسكت عنه …من عقب زايد الله يرحمه طلعوا طلعه هالاشكال يتحرون البلاد سايبه ماوراهم حد ..ترا الساكت عن الحق شيطان اخرس والله بيحاسبنا على سكوتنا ….
والسموحه
هم الغلطانين اونه ما ترضا شو ها حرام هذيل يحملون ويضيغون اليهال
الحريم ما عادت تربيتهن لعيالهن مثل امهات اول
و لا الرياييل بعد
الدنيا ماخذه الناس و محد يحاتي يقولي هاذيل عيالي مسؤوول عن تربيتهم و بتحاسب على هالتربيه
ا