مرحبا الغاليات كلنا نمر بظروف وضغوطات الشغل وانا من النوع إلى مايهمنى غير انى أسوى شغلى بدقه والتزامى بالدوام لكن عدنا وحده شوه بقول عنها انسانه فضيعه بمعنى الكلمه تدرون شوه يعنى والله ان كلمة فضيعه شويه عليها بخبركم هاى الأنسانه شوه سالفتها وياى …
هيه من النوع إلى يرمس وايد وااايد يعنى فلانه سوت فلانه طلعت فلانه يت فلانه وفلانه يعنى ام ويهين ونقالت رمسه تبين لج طيبتها واونها ترمس وياج ومن وراج الله العالم شوه تقول…
أجتمعنا اليوم ويا مسؤولنا وكان يوزع المهام الوظيفيه على كل وحده شوه تتوقوعون سوت ؟؟؟
حاولت تسوى مشكله بينى وبين زميلتى بالمكتب كيف انا بخبركم طبيعة شغلنا كل وحده ولها وظيفه معينه تسويها طبعا وظيفتى تختلف تماما عن وظايفهم جان تقول ليش فلانه وفلانه إلى انا وزميلتى دام ان احنا فى مكتب واحد ليش انا ماعلم زميلتى الشغل مالى طبعا سالفة شغلى انا شوى اصعب وهيه وايد تضايجت يوم عطونى الشغل وكانت أتحن وايد يوم كنت مسافره انها تسويه لكن مسؤولنا رفض…
لان يباله دقه وانا وايد تضايجت منها صدق رفعتلى الضغط اذا هيه حاطه عينها على شغلى ليش ماقالت انا ابا سويه مش تقول ليش ما أعلم زميلت مكتبى الشغل …
وهيه ويوم قالت هاه الكلام زميلتى ماعلقت ولا قالت شي وانا قلت إبرايه بعلمها لو هيه تبا بس انا ضايجه وايد لانها انسانه خبيثه وراعيت مشاكل وإنسانه غيوره إلى بإيد غيرها تبغيه لو أشوه ما كان وأخافها تسوى مشكله بينى وبين زملتى ؟؟؟
كيف أتعامل ويا ها الأنسانه وشوه أسوى الحين انا مابغى ربيعتى تحس انى ماأبا أعلمها الشغل لان ماأقدر إلا إذا يا أمر أنى أعلمها شغلى …..
هالاشكاال ما تنعطه ويه يعني طنشيهااا ابرك لج ..
والله يعينج ع هالاشكاال الي ترفع الضغط ..
من زمان يتنا موظفة جيه.. رازه عينها على شغلي وعلى اعتماد المدير علي…
نصيحة مني… دوم ارقي نفسج.. الحسد يسوي مصايب…
ودوم نغزي بالرمسه عن اللي ينافقون ويرمسون عن الناس من وراهم وهيه بتفهم انها المقصودة وبتخف من حركاتها
والله يصلحج دوم ويا ربيعاتج
السموحة
هي خليها تولي لا تسوي لها سالفة دام المدير وزع المهام هي ما لها شغل تتدخل في شي
سوي شغلج انتي وزميلتج وهي برايها تسوياللي تباه بس خذن حذوكن منها
وربي يوفقج
وإذا ما عندج مسدس خذي لج مسدس ماي وعطيهاا بويهااااعلشان ترتاحي …(أسأل مجرب ولا تسأل طبيب)