شحالكن الغاليات ..
طبعا هذي أول مشاركة لي في هالقسم>>>وإن شاء الله ماتكون آخر مشاركة..
**********************
المهم خواتي الموضوع مثل ماهو مبين من العنوان ..
طبعا انا شفت طريقة الراس ملاي في أحد المنتديات والله ما أذكر أسم الاخت بس
الله يجزاها كل خير جربت الطريقه>>أول مره أجرب أطبخ الراس ملاي >>ههههههاي
واللـــــــــــــــــــه يابنات مابتندمووون بتدعولي من قلبكم..
طعمه لذيــــــــــــــــــــــــــــــذ..>>>سمحولي طولت عليكم ..
*************************
المقادير:-كأس حليب نيدو بودرة..
-نصف ملعقة بيكن باودر..
-بيضه..
-ملعقة طعام زيت..
مقادير السائل:-حليب نيدو سائل <<كمية الحليب أختياريه على حسب أني تحبين الحليب يكون زيادة
أو أقل ..المهم أنا ما أذكر كم حطيت حليب في الجدر>>>
-هيل..
-سكر..
-فستق حلبي مطحون خشن..
الطريقة:
-نخلط النيدو البودره مع البيكن بودر وبعدها نسوي حفره في النص ونضع فيها البيضه
ونعجن طبعا العجين راح يلصق في أصابعج.. فنحط الزيت أحين ونعجن وبتحسين العجين
صار مايلزق في أيدج >>من الزيت..
-نكور العجين لكرات صغيره لأنها راح تنتفخ أثناء الطبخ..
نيي للمرحلة الثانية وهي تحضير السائل …– نحط الحليب في الجدر ونحط السكر والسكر بعد أختياري أني أشكثر تحبينه حلو..
ومن ثم الهيل وتخليه يفور..
-بعد مايفور الحليب نحط الفستق ونسقط كور العجين إلي سويناه في جدر الحليب ونتركه على
نار هادئه ونقلبه من بين فتره لفتره..
-يوم بتشوفين قطع الراس ملاي أنتفخت وصار لونها ابيض ..
– وأخيرا نضعه في صحن البايركس ونحطه في الثلاجه ونتركه يبرد ..
-وبالعافيه عليكم.. أترككم مع الصور..
[IMG]
[/IMG]
[IMG]
[/IMG]
[IMG]
[/IMG]
لاتنسوني من صالح دعائكم..
أختكم / ودوووم
بس اسمها غريب ما فهمته؟
بالنسبة لسؤال الأخت لورا13 ..السويت هذا أصله هندي>>الظاهر ماتروحين مطاعم هندية ..>>نحنا الإدمان >>ههههههههههاي إن شاء الله تجربيه ..
والأخت اللهم أغفر لنا.. فديتج أكله هندية أكييييد أسمه بيكون غريب>>ههههههاي
وثاااانكس لجميييع الأخوات ع المرور..